Lawngtlai Bawrhsapin ni thum chhung atan Lawngtlai District chhungah total lockdown a puang

Lawngtlai | June 2, 2020: Mizorama COVID-19 hri kai hmuh belh thar a nih avang leh he hri leng laka Lawngtlai District mipuite an him zawk theih nan Lawngtlai District Magistrate Shashanka Ala, IAS chuan vawiin khan The Mizoram Epidemic Diseases (COVID-19) Regulations, 2020 section 11(1)-na tlawh chhanin ni 02.06.2020 chawhnu dar 1:00 atanga ni 05.06.2020 zing dar 6:00 inkar chhung atan Lawngtlai District chhungah total lockdown a puang.



Hemi hun chhung hian phalna nei lo chuan Lawngtlai District mi tu mahin mahni in leh compound chhuahsan phal a ni lo va. Lirthei eng chi mah tlan chhuah phal a ni lo bawk.

Pawn chhuah khapna hian COVID-19 official duty, medical duty, dan leh thupek kengkawhtute, media mite, P&E thawktute, tui sem leh bawnghnute semte a huam lo va. Lirthei tlan chhuah khapna hian COVID-19 official duty atana hman lirthei leh Deputy Commissioner-in tlan phalna a pek lirthei te a huam lo bawk.

Post a Comment

0 Comments