Khawpui chhung ramngaw lam thlurbingin World Environment Day chu virtual celebration nei

Aizawl | June 4, 2020: Kum tinin World Environment Day (WED) hi June ni 5 ah hman thin a ni a. Ministry of Environment, Forest & Climate Change chuan WED hi UNEP in thupui a puan behchhanin a lawmna hun a buatsaih a, hemi ni pual hian thil hrang hrang buatsaih a ni a. Kumin a thupui hi ‘Biodiversity’ a ni a. COVID-19 hripui leng mek vang hian Ministry chuan Nagar Van (Urban Forests) thlurbingin World Environment Day hi virtual celebration a buatsaih dawn a. Pu Prakash Javadekar, Union Minister for Environment, Forest and Climate Change chu khuallian a ni dawn a.  A lawmna programme hi ni 5 zing dar 9 atangin live-in https://www.youtube.com/watch?v=IzMQuhmheoo ah a en theih dawn a ni.

India hian ram awl nei tlemin mihring leh ransa te bit hle mahse  biodiversity hi 8% dawnlai a nei a. Kan ram hi biodiversity lamah a hausain  ransa leh thlai chi hrang an tam hle a, khawvel a bio-diversity hotspot 35 zing a 4, endemic species engemawzat awmna hi India ram a awm a ni. Ramngaw leh nungcha humhalh hi hmanlai atangin ramngaw pilril zawkah chuan tihthin a ni a mahse khawpui a lo than zel takah hian khawpui huamchhungah pawh hian biodiversity humhalh a chhanhim hi a lo ngai ve ta a ni. Ministry of Environment, Forest and Climate Change chuan Corporation leh khawpui 200 a urban forest siam turin scheme a thar thawh leh a, a chhang chu heng khawpuite hian huan/lo neiin ramngaw an nei lova. Urban Forest hian heng khawpuite tan hian boruak hip tur thianghlim zawk siamsakin boruak a ti tha thei dawn a ni.

Pune khawpuiah chuan ramngaw hmun acre 40 ah ramngaw siam a ni a. Thing 65000 chuang phun anih bakah dil 5 leh khawthlirna 2 siam a ni a, thingkungte hi feet 25-30 thleng a sangin tam tak chu an thanglian tawh ani. Kumin hian thing tam zawk phun belh leh tum a ni a. Tundinhmunah hian ramngaw hi biodiversity ah a hausa hle a - thing chi hrang 23, sava chi hrang 29, phengphehlep chi hrang 15, reptile chi hrang 10 leh mammal species 3 an awm a. Urban Forest project hian ecological balance a tihthat mai bakah  Punaikar-te tan len khawthawnna hmun nuam a ni a, zing leh tlai lam walk-na atan an hmang nasa hle a. Wajre Urban Forest hi ramchhung hmundangte tan entawn tlak a ni der tawh a ni.

World Environment Day lawmnaah hian Minister of State of Environment Minstry Pu Babul Supriyo,Minister (Forest), Government of Maharashtra, Pu Sanjay Rathe, Secretary, Ministry of Environment, Pu R P Gupta, DG Forests & Special Secretary, Ministry of Environment, Pu Sanjay Kumar, Executive Director, United Nation Convention to Combat Desertification, (UNCCD), Pu Ibrahim Thiawand Executive Director United Nation Environment Programme(UNEP) leh Pi Inger Ander Andersen-te pawh an tel dawn a. He hun hi mi pawimawh dangte’n an awm hmun atangin an lo chhim dawn a, pekchhuah a ni ang.

- PIB Aizawl