INPHEK SUALNAAH CHINA SIPAI THI LEH HLIAM 43 AN AWM :REPORT

Aizawl | June 17, 2020: Thawhțanni zana India leh China sipaite intihbuainaah khan China sipai 43 thi nia report a ni. May 5, 2020 ațanga he buaina hi ințan a ni a,an inbeihna hmun hi  Line of Actual Control (LAC), Galwan Valley - Eastern Ladakh, a ni tih  news agency ANI chuan a report.


"Chinese lam hi mi 43 te thi leh hliam na tak Galwan Valley a inkhuainuainaah hian tuar an awm," tih  ANI thu dawn a chuan a sawi.

ANI in a report zel danin China lam hian hliam tuar leh thi te thiarna atan China lam LAC ah chopper (helicopter) an hmang nasa a ni, a ti bawk.



He thil thleng  hi India lam thi zat 3 ațanga 20 tih report pek hnua sawi a ni. "A tirah Indian Army officer 1 leh sipai 2 te thi a tar lan phawt a ni.  Hemi hnu hian Indian Army lam hian a hmaa 3 thi bakah hian India sipai 17 dang hliam na tak tuarte chu an hliam a nat em avang leh hmun vawt lutuk leh boruak tlemna a nih avangin an hliamte tuar chhuak zo loa an thih thu tar lan a ni a, thi zat hi 20 an ni ta a ni," tih report chuan a tar lang.


Indian Army thu chhuah hian China lam thi leh hliam awm zat a tar lang lo.

India & Chinese sipaite hi chawlhkar nga chhung lai boruak țang tak hnuaiah an inep reng a, Thawhțanni zan khan a puak keh ta a ni. Khawi lam ve veah pawh thi leh hliam tuar an awm a ni.

Heng hmun ; Pangong Tso, Galwan Valley, Demchok leh Daulat Beg Oldie eastern Ladakh ah te hian  May 5 ațang khan boruak a țangin an innuai tawh a ni. Chinese Army lam hi tam tham tak helaiah hian tirh luh belh an ni a, India ram ri lama hma rawn sawn belh zel an tumna chu India sipai lam hian en liam mai an tum bik tawh lo, helai bakah hian Pangong Tso lamah pawh boruak a țang hle bawk.

China sipai India ram ria rawn pawng zel hi  Indian Army te  hian huai leh kawlhsen takin an lo dang a, China sipaite chu he lai bial chhunga inremna a awm theihna turin hma an rawn sawnna ațanga rang taka inhnuk kir turin an ti a. In rem turin ni engemaw zat kal ta ațang khan sipai hotute ve ve an inbia a, hma an sawn hlei thei lo a ni. India leh China sipai te hian an ram ri chhung kana lut angin an insawi ve ve a, China hian Arunachal Pradesh pumpui leh Ladakh area a hmun zau tak India awp chu a ram angin a chhal a, India lam pawh hian a ram hauh chin Mizoram aia zau zawk 30,000 sq.km chuang lai chu China hian awp bet luiah a puh bawk.

India lam hian a hmaa ram ri awm dan pangngai anga awm leh țha an ti a, chutiang tur chuan China sipaite chu India in ram ri LAC nia a hriat ațanga tawlh kir turin an ti a, China lam lah tawlh kir a hnekin phung velh ang mai an pungin an pawng tual tual mai si a, hei hi sipai pahnih te inkarah boruak sosang thlenna chhan ber chu a ni.

Kut lawng maia inbei leh inphek sual niin a lang lo a, report țhenkhatin a sawi dan chuan thir hlingnei (barbed wire) tianga zem te, iron rod, thing a remchang apiang leh lung tum hmanga inbei nia sawi a ni.

India leh China sipai inkara thil thleng hi khawvel pumah ngaihven a hlawh hle a, UN Secretary General pawhin a lungkham thu leh ram pahnihte chu inremna dawhkan kila an buaina chu ching fel thuai tura a duh thu a sawi a ni. 

Sources:
India Today
June 16, 2020
@ 23:23 IST

NEWS18
BBC NEWS 

====17==06==20=
- Huna Kawlvawm

Post a Comment

1 Comments

He post chungchanga i ngaihdan lo sawi ve rawh: