Aizawl | June 23, 2020: Mizoram Board of School Education, Aizawl chuan Mizoram Sawrkarin Covid 19 Hripui leng vanga Lockdown (Tum sarihna) June ni 30, 2020 thlenga a pawh sei leh tak avangin HSSLC Examination, 2020 chungchangah hetiang hian ruahmanna a siam :
1. Zirlai zawng zawngte mahni exam centre pangngai theuhah exam tura beisei an ni. Mizoram sawrkarin a phalsak angin khualkhua atanga mahni Exam Centre pan turte chuan Road permit atan Admit Card hman theih a ni.
2. Exam turten HSSLC Admit Card (Original) ken ngei tur a ni.
3. Covid 19 Lockdown vanga mahni Exam Centre pangngaia exam thei lo tak takte tan heng a hnuaia phone number tarlanahte hian June ni 25, 2020 (Ningani) zan dar 9:00 thleng in report theih a ni ang.
a) 9862331304 b) 9436156785 c) 8974830368 d) 9774513045 e) 9856618126
In report turte chuan phone call, whatsapp leh SMS hmangin tih theih a ni ang a, hetiangin - hming pum, exam centre pangngai leh a exam duhna Centre, Board Roll no. leh Exam tur subject chiang taka sawi tur a ni ang.
4. Hun hmasa lama Centre Superintendent kaltlanga zirlai mahni exam duhna centre a lo in report tawhna kha rin theih a ni tawh lovang.
5. HSLC (Compartmental) Examination 2020 erawh chu a pangngaia kaltlangpui tur a ni e.
- DIPR
Post a Comment
He post chungchanga i ngaihdan lo sawi ve rawh: