Aizawl | June 1, 2020: COVID 19 vei nia rinhlelh mi 91 sample test, Zoram Medical College (ZMC) Falkawn a neih chu nimin khan a result tih chhuah a ni a. An vaiin an result a negative vek.
He thu hi ZMC Bulletin in nimin khan a tarlang a ni.
Tin, tunhnaia chanchin darh leh mi ngaihven, Karnataka atanga tangkhang lo hawng zinga mi Kolasib nula Covid 19 rinhlelh nia an sawi chu ZMC ah a sample endik nghal a ni a. A result a negative tih hriat a ni. Amah bakah hian a lo hawpuite zawng zawng pawh an negative vek niin sawrkar thuchhuah chuan a tarlang bawk.
Test khawl a tha tawk:
Mizorama covid 19 test result a la negative zel avangin mipui thenkhat rilruah rinhlelhna a awm. Nimahsela, ZMC- a Microbioligist, Dr Gracy-i chuan, " Test khawl a tha tawk a, test dan pawh a dik a, hmunpui lam pawhin min pawmpui thlap a ni" a ti.
Electric veng Presbyterian Kohhran chuan Aizawl khawpawna hripui atanga chhungkaw harsa 69 te hnenah Rs 5500 theuh a sem. An vengchhung chhungkua 91 hnenah sakhua thliar lovin tanpuina an pe bawk.
Post a Comment
He post chungchanga i ngaihdan lo sawi ve rawh: