Aizawl | June 27, 2020: Nimina sample test result chhuakah COVID 19 positive pakhat hmuhchhuah a ni a, Sample test result zingah hian 107 a negative a ni.
Heng sample test zingah hian result chhuak hman lo 22 (Aizawl 14, Mamit 8) a awm. Mizoramah COVID19 vei mek 101, mi 47 an dam tawh a, Hri vei tawh zawng zawng hi mi 148 an awm mek a ni.
Positive hmuhchhuah thar hi mipa, kum 32 mi, Champhai District, Delhi atanga lo haw, quarantine centre-a awm lai, symptom neilo a ni.
Nimin-a district hrang hrang test result chhuak zat: Aizawl 48, Champhai 2, Lawngtlai 19, Mamit 12, Khawzawl 1, Siaha 21 bakah ZMC a enkawl lai mek 5 an awm.
Nimin khan Lunglei Civil Hospital Lab ah Truenat khawl hmangin sample 23 test niin a vai hian result a negative a ni.
Mamit District atanga COVID19 damlo mi 13 te sample endik nawn (retest) tura ZMC lab-a thawn result nimin khan a chhuak a. Sample 9 a negative a, sample 4 erawh a positive nawn leh a ni.
Nimin thleng khan ZMC-a swab sample test zat belhkhawm chu 12,480 a ni a. Heti hian tangkhang lo haw, quarantine center leh home quarantine a awm te sample lak tam zawk chu endik fel a ni tawh niin sawrkar thuchhuah chuan a tarlang.
Post a Comment
He post chungchanga i ngaihdan lo sawi ve rawh: