Aizawl | June 25, 2020: COVID 19 positive vanga enkawl lai mi paruk chuan vawiin khan damna changin damdawiin an chhuahsan a, damna chang mi 30 an tling ta.
Vawiin chhun khan COVID19 vei enkawl dam hmeichhe pathum- Aizawl District pahnih leh Khawzawl District pakhat chuan dam takin damdawi in an chhuahsan a. Vawiin tlai khan SRHF-ZMC atangin COVID-19 enkawl dam tak Kolasib District hmeichhe pathumte an chhuak ve leh a. Heti hian Mizoramah COVID19 damlo enkawl mek 115 leh dam chhuak 30 an awm ta a ni.
Lawngtlaia COVID19 positive mi 8 (M-6,F-2)swab sample nizana ZMC-a test nawn result a negative vek. Sample lak atanga ni 5 a liam tawh avang leh symptom an neih loh avangin naktukah damdawi in an chhuahsan ang.Damdawi in an chhuahsan hma chu vei tawh lo/dama puan theih an la ni lo.
Post a Comment
He post chungchanga i ngaihdan lo sawi ve rawh: