COVID 19: Hri vei dam 17 chhuak; Enkawl lai 100 awm mek

Aizawl | June 26, 2020: COVID 19 hri vei enkawl mek atanga mi 17 chu enkawl dam tawh niin vawiin khan dam takin chhuahtir an ni.

Vawiin chawhma dar 10:45 khan Lawngtlaia #COVID19 enkawl dam (cured) mi pariat; Mipa paruk leh hmeichhia pahnih te chu dam takin COVID Care Centre aṭangin chhuahtir (discharged) an ni a. Heti hian Lawngtlai District-ah COVID19 positive an awm tawh rih lo.

Tin, Vawiin chawhnu khan #COVID19 enkawl dam (cured) mi pakua chhuahtir an ni a. An zinga pahnih hi MIpa niin, pasarih chu hmeichhia an ni. Heng dam a chhuahtir te hi Aizawl district mi 6, Saitual district 2 leh Serchhip district 1 an ni. 

Tunah hian COVID 19 vei mek 100 an awm a, dam tawh mi 47 awmin, Positive tawh hrim hrim hi mi 147 an ni.

 

Tun dinhmun-ah Aizawl district-ah dam lo pakhat lla awmin, Lunglei-ah 47, Siaha-ah pakua, Champhai-ah pali, Kolasib-ah pakhat, Serchhip-ah pahnih. Mamit-ah 17, Khawzawl-ah pahnih an awm a, Lawngtlai leh Saitual-ah vei an awm tawh lova, Hnahthial district chu COVID 19 positive awm lohna district an ni.

COVID-19 vei enkawl mek dam taka chhuah tirte hi dam taka chhuahtir  an ni tih lan tirna lehkha (discharge certificate) hlan an nih hnu-ah ni sarih chhung home quarantine tura chhuah tir an ni.

*Mizoram active cases 100

*Discharged 47

*Total 147