Aizawl | May 14, 2020: Lockdown chhunga a ṭangkai zawnga hmanna atan, Zaithiam zawnna tur Vocal Champ buatsaih a ni dawn.
He intihsiakna online a neih tur hi mi tin te theihna tur a ni a. Pakhatna hian lawmman atan cheng 5000, pahnihna in cheng 3000 leh pathumna in cheng 2000 lawmman atan an dawng ang.
Vocal Champ hi Vincent Hekte Hmar buatsaih niin Media partner hrang hrang awmin, thawhhona ṭha tak nena an buatsaih a ni.
He intihsiakna-ah hian round hnih awmin, 1st round ah hian judge ten an thlang ang a, final leh 2nd round ah hian mipui vote aṭangin lak a ni ang.
Vocal Champ hi online contest tur a nih avangin video thawn mai tur a ni a. Hemi atan hian online a inziahluh tur a ni a. Inziahluh hnu-ah kalphung leh dan-te an inhriattir dawn a ni.
May 23 zanlai thleng inziahluh theih a ni a, May 25 aṭangin intihsiakna ṭan a ni ang a, June 1 ah a tawp khar a ni ang.
He intihsiakna-ah hian Explore Mizoram chu media partner a ni.
- H Zate
Founder/Editor
Explore Mizoram
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: