PSB TEN MARCH - 15 MAY INKARAH RS 6.45 LAKH CRORE AN PE CHHUAK TAWH

Aizawl | May 22, 2020: PTI in a report danin Central Sorkarin neitu nihna a neih bank (Public Sector Bank) ten COVID-19 hri pui len hnu hian ram chhunga sum mamawhtuten hman hmawh taka an mamawh phuhruk sakna atan loan (emergency credit line) Rs 6.45 lakh crore an sem chhuak tawh.

Heng loan pek chhuah te hi sectors hrang hrang  MSME, agriculture leh loan hlawm lian tham lo - retail loan te an ni.  March 1 ațanga May 15 inkara sem chhuah niin, COVID-19 in ram chhung leh Khawvel nasa takin nuai mahse sumdawnna hian mihring mamawh a ken tel tlat avangin sumdawngten sum vir vel tur an neih loh chuan a nghawng a na zual hle thei a ni.

"Rs 6.45 lakh crore loan Public Sector Bank (PSB) ten loan an pek chhuah hi   March 1 – May 15 chhung khan MSME, Retail, Agriculture & Corporate sectors te account 54.96 lakh account a ni.

" Nikum March - May 8, thleng khan  Rs 5.95 lakh crore pek a ni a, nikum nena khaikhin chuan hun harsa karah a punna hi a lawmawmin chhinchhiah tlak tak a ni " Finance Minister Nirmala Sitharaman chuan  twitter kal tlangin a ti.

"Public Sector Bank te hian  Rs 1.03 lakh crore 'emergency credit lines & working capital enhancements' atan March 20 - May 15, khan an pe chhuak a, nikum a hun chhung inang aiin Rs 65,879 crore in a tam zawk a ni," Minister chuan a ti.

Central Sorkar Bank (State-owned banks) te chuan lockdown puan hnu khan MSME te leh corporate te tan March kar hnuhnung ber ațang khan 'emergency credit line' an hawng a,  he  scheme ang chuan bank te hian heng sector sawi tak te hnenah hian Rs. 200 crore aia tam lo emaw an fund base 10% emaw an hnathawhna turin 'additional line of credit' puk an phalsak a ni.

March thla khan RBI chuan thla thum chhung loan rulh loh a phalsak thu ( moratorium on repayment of all term loans) March 1, 2020 - May 31, 2020 a puang.

"Lockdown May 31 thleng pawhsei a nih avang hian RBI hian moratorium hi thla thum dang a pawhsei leh a rinawm," SBI's research report Ecowrap chuan a tar lang.

I NGAIHTUAH NGAI EM?

1. Mizoram a loan rul țha ber chu loan pek chhuah theihna danin a huam chiah loh 'Biak In sak a loan' hi a ni. Hei hian state economy țhanna leh dawmkanna lam hawi niin kan hria em? Loan dang  hi Biak In sakna anga rulh țhat ni ta se, Bank te hian loan hi mipuite hnenah an zuar ngei ngei ang.

2. Sumdawnna hrang hrang bul țanna tur hian PSB, Regional Rural Bank, Cooperative Bank etc te hian scheme tam tak an nei a, mahse Mizoten loan kan rulh țhat duh loh avangin min pe țha duh lo, Kristianna hi khawia lan chhuahtir tur nge anih tak ang?

3. Loan kan rulh țhat duh lohna chhan hi kan rinawm loh hrim hrim vang nge ni ang, kan loan lak chhan anga kan hman loh vang zawk, nge ngaihdam kan beisei ?

Source: ECONOMIC TIMES

May 19, 2020

@ 1:33 PM IST

====22==05==20==

- Huna Kawlvawm