Thingdawl | May 20, 2020: Mualkhang mipuite'n thlai thar an thawhkhawm chu Polytechnic Thingdawl-a hripui vanga khunghran mekte ei turin Kolasib district thuneitute hnenah vawiin khan an rawn hlan niin exploremizoram.com chuan thu a dawng.
 |
| Pic: DIPR |
Farmers Society, Mualkhang president Lalfakawma chuan, "hun khirh tak rampumin a kan hmachhawn mek lai a, kan phak tawk leh theih tawk ah mipui ten sawrkar hmalakna tanpui an duh ve avanga heng thlaitharte hi hlan kan ni," a ti.
Mualkhang mipui hian Phuihnam, Chingit, Bahkhawr, Hmarcha, Aidu, Tumbu, Rawtuai rep, Lambak, Chakawk, Sawhthing, Changkhate, Thingfanghma, Balhla, Theihhai leh Tengtere thahnem an hlan a.
He thil hi Mualkhang Farmers Society hmalakna a tih niin, heng thlai tharte hi Kolasib District Administration aiawh hian SDO Sadar Vanlalchhuanawma Chawngthu chuan lo dawngin, Mualkhang khawtlang chungah lawmthu sawiin heng thilpek an dawn te hi Quarantine Facility enkawltute leh dahhran mek te tan malsawmna nasa tak a nih thu a sawi bawk.
Post a Comment
He post chungchanga i ngaihdan lo sawi ve rawh: