MLA Dr ZR Thiamsanga'n Hmar tlangdung Task Force duty tlawh

Aizawl | May 28, 2020: Champhai North bialtu MLA Dr ZR Thiamsanga.chuan  MNF Party Headquarter ruahmanna bawhzuiin vawiin khan hmar tlangdung khaw hrang hrang, tuivawl leh a chhehvel  leh ramri a Village Level Task Force duty te chu zan khat riakin a tlawh.


He hunah hian Darlawn, Sakawrdai, Zohmun Mauchar ah te khawtlang hruai tute nen inkawmna hun tha tak neiin, Zohmun ah hian hand sanitizer, hand glove leh damdawi chi hrang hrang te a tul ang a hman tur a pe.

MLA Dr ZR Thiamsanga hian MNF HQ hmingin May 25 zan a thli leh ruah nasa tak thawkin a tihchhiat thawm that ngaite thawm that nan tanpuina pawisa fai a pe bawk.

Tin, khawtinah a tul dan angin Silpouline, hand sanitizer, damdawi leh Glove a pe zel bawk. 

Dr. ZR Thiamsanga MLA chuan khawtlang hruaitute leh Village Level Task Force te hnenah thusawi zelin 'Khawvelin Hripui rapthlak tak kan tawn mek hi a invenna tha ber chu inchhung khura inkhung anih avangin kan inkharkhip mek a. Chutih rual chuan hnathawh a ngaih tho avangin kan inkharkhip karah hian fimkhur taka hnathawkin, kum thar lamah hripui avanga tam mai a hlauhawm avangin chhung tin intodelh a pawimawhzia hre thar turin a chah a. Village Level Task Force te leh Ramri a duty te inpekna chu a chhuan thu sawiin, kan ram leh hnam hripui laka kan him nan, a sur a sa pawh sawilova ruahpui vanawn hnuaia ram tana an duty chu thinlung taka a chhuan thu a sawi a. Tin, mipuite leh tlawmngai pawh hrang hrang te pawh sawrkar an tawiawm that avang leh kohhran mite tawngtaina vanga la him hram hram kan nih hre reng turin a chah a. Zin haw khung hran ngai te pawh hremna a ngai lova, kan him tlan zawkna tur a ni tih hria a tha taka inkhung hrang hram hram turin a ngen bawk.

Naktuk lamah hian Khawpuar, Zilthawkai (Tuiruang kai), Vaitin, New Vervek, Tuivai leh Ratu a tlawh leh dawn a ni. 

Dr. ZR Thiamsanga hi MNF Pary Headquarter atangin PAC F Lalthlamuana  leh James B Ralte ten an tawiawm bakah BDO leh SDO (Civil) Darlawn, SDPO  Sakawrdai leh EM Sakawrdai te pawhin an tawiawm bawk.

Post a Comment

0 Comments