LOCKDOWN 5.0 CHUNGCHANG PM MODI MANN KI BAAT AH SAWI BEISEI : MHA

Aizawl |May 28, 2020: Ministry of Home Affairs (MHA) chuan  Prime Minister Narendra chuan Radio programme ‘Mann Ki Baat’  hunah lockdown 5.0 chungchang awm dan tur a sawi an beisei.

Home ministry chuan  Twitter account ațangin he  report  hi a tar lang a,  Prime Minister hian ram mipuite hnena thu chah  ‘Mann Ki Baat’  May 31, hian a sawi leh dawn a, hei hi coronavirus vanga lockdown țum lina tawp ni chiah a ni bawk. He  programme a hmanah hian " Lockdown 5. 0 chungchang asawi hawng mai  thei”, tih MHA report chuan a tar lang. 

Report  hian a sawi zel dan chuan  lockdown 5.0 hian khawpui lian 11 te tuam bik tura ngaih a ni a, heng khawpuite hi India ram chhunga coronavirus hri kai 70% te awmna a ni.  Heng khawpui lian : Delhi, Mumbai, Bengaluru, Pune, Thane, Indore, Chennai, Ahmedabad, Jaipur, Surat, Kolkata te hi an ni. 

“Central hian sakhaw biakna hmun pawh Lockdown 5.0 ah hian  zawm tur țhenkhat awmin a thlah dul țhen beisei a ni, " tih  report chuan a tar lang. 

Amaherawhchu,  MHA hian  “ Lockdown 5. 0 chungchang thu hi reporter te rin thil thu mai ( speculations) a la ni rih a, thil dik lo a awm chuan MHA  in mawh a phur lo ang, "  a ti thung. 

PM Modi hian coronavirus pandemic dona turin ram pum huap lockdown  March 24 zan lai ațanga țan turin a puang  țan a, hri leng nasa taka apun avangin chhunzawm zel a ni a, tunah hian a țum lina a kal mek a, kha mi hnu khan țum thum dang pawtsei tawhin  May 31 hi a tawp hun tur a ni.

India rama COVID-19 kai mi  1,58,333 an tling tawh a, he hri pui vanga thi pawh mi 4,531 an tling tawh tih  Ministry of Health and Family Welfare chuan May 28, 2020 hian a tar lang. 

 COVID-19 hri kai hi khawvelah mi nuai 56 chuang an awm tawh a, he hri chhia vanga thi mi nuai 3.55 chuang an awm tawh bawk.

Source:
Moneycontrol

May 25, 2020

11:02 AM IST

===28==05==20==

- Huna Kawlvawm