Aizawl | May 11, 2020: Thenzawl leh Buarpui inkar kawng siam mek-ah kawng chhak leiminin roadroller chhilhin, Mi pakhatin nunna a chan niin exploremizoram.com chuan thu a dawng.
Vantawng Newspaper Editor Liantluanga Renthlei hnen aṭanga thudawn danin, Nunna chan ta hi Roadroller khalhtu niin, a ni hi Narayan Mandal (26) niin, Siliguri, West Bengal lam mi a ni a, vawiin chhun dar 12 vel khan Tlawng lui bul, Thenzawl aṭanga km 21 vela hlaa Road Roller hmanga kawng siam hna an thawh laiin an kawng siam lai a chhak lam, leichimin delhin, leimin hian a chhilhpil vek niin a sawi.
Leimin hi JCB in hai faiin, a taksa an lak chhuah hian a lo boral hman tawh niin thudawnna chuan a sawi.
A ruang hi Thenzawl CHC ah post-mortem niin, vawiin tlai dar 5 vel khan zawh fel a ni.
Tunah hian a ruang hi an khua Siliguri ah lak turin thuneitute hnenah phalna buaipui mek a ni a, thil ṭul te tihfel anih hnuah Thenzawl CHC aṭangin a ruang hi an khua ah zanin hian thawn haw a ni dawn niin thudawnna chuan a sawi bawk.
A ruang hi kawng lakah ni 2 chhung vel a thang tura ngaih a ni.
Amah hian nupui fanau a nei lova, tlangval ṭhalai a la ni.
He lai kawng hi Asian Development Bank sum hmanga siam mek niin, a siam hna hi Tantia Constuction Private Company Limited in thawk mekin, nunna chan ta Narayan hi Tantia Road Roller khalhtu a ni.
[ Vawiin hi 2013 a Laipuitlang leimin kum 7-na champha a ni.]
[ Vawiin hi 2013 a Laipuitlang leimin kum 7-na champha a ni.]
Post a Comment
He post chungchanga i ngaihdan lo sawi ve rawh: