Mizoram Board Of School Education (MBSE) in High Shool Leaving Certificate(HSLC) examination 2020 result a suksuok-ah Sinlung Hills huom suonga hlawtlingna chang (Pass) hai po po lungril takin ka lawmpui takzet cheu.
Tlang vawikhat ei lawn liem hnung hin tlang sang tam tak lawn liem ding a la um a, chu tlang sang tam tak lawn liem ding chun vawisun hin sirbi pakhat in hung chuongkai a nih ti hi in hriet tlat a țul a. Sungkuo, Kohran, Khawtlang, ram le hnam ta dinga mi țangkai tak ni ding chun inchûkna (education) hi a pawimaw tak a ni leiin, vawisuna in sirbi hi inphet tum el lova, tlang insang lem lawn liem dinga țhang la pei dingin ka ditsak insang tak ka'n hlan cheu.
Chun, hlawtlingna chang zo ve ta naw (fail) hai khawm vawisuna in vangduoina hi beidawngna a hmang el lova, țhang la zuol sau sau lem dingin ka ngen cheu. Khawvel mi ropui tak tak hai hi vawi khata hlawtling nghal an ni nawh ti hre a, nasa nawk zuola in bei chun vawisuna inruolhai hi lekhalin mi ropui tak in la hung ni thei a nih. Tawpsan lova bei nawn nawk seng dingin ka fielin, ka ngen tak zet cheu.
Inchuklaihai iengkim in thaw taphawt siemtu Pathien hre zingin thaw unla, ram le hnam ta dinga sawr tlak la hung ni ngei dingin ditsakna ka'n hlan cheu.
Pathienin in hma țhuoi pei raw se.
- Lalthlamuana Hmar
Chief Executive Member,
Sinlung Hills Council
Dated: May 13, 2020, Sinlung Hills, Mizoram
Post a Comment
He post chungchanga i ngaihdan lo sawi ve rawh: