Aizawl | May 4, 2020: Kolkata AMRI hospital a Mizo damlo, cancer vanga enkawl lai, tunhnaia Covid-19 natna kai chu nizan dar 7:15 vel khan a boral a, AMRI hospital-in official-a a thih thu an puan tak hun hi dar 10 vel kha a ni.
Mizo dam lo Cancer vanga enkawl mek, boral ta hi Mipa kum 70 vel niin, Covid 19 vei a ni tih hriat hnu-ah Mizoram House lam pawh an fimkhur zual hle niin thu dawn a ni.
Ruang hi AMRI hospital ah a la awm mek a, West Bengal sorkar in a ruang buaipui dan tur hi chu an la ngaihtuah mek ni a thudawn a ni.
Positive a ni tih hriat a nih hnu khan a fate pahnih hi quarantine na hmunah khung hran an ni a, an pa ruang pawh an buaipui thei rih bik lo niin Kolkata atanga kan thudawnna chuan a sawi.
Mithi ruangin Zoram thleng dawn lo?
Covid-19 kai Kolkatta-a boral ta chu Mizoramah a ruang lak tumin theihtawpin hma lak a ni a. Mahse, Central sorkar lama MHA in dan khauh tak a siam Covid-19 positive te ruang chu tawihtheiloa siam a phal loh avangin Thlawhna leh Ambulance hmang pawha phurh haw theih a nih loh hmel bakah West Bengal sorkarin hmun danga phurhsawn a rem tih loh avangin a ruang hi kan la thei dawn ta lo niin a lang., niin thudawnna chuan a tarlang.
Buaipui ngaite official lamin an buaipui a, Death Certificate lain vawiin hian Health Dept ah a theh lut ang a. Health Dept chuan Kolkata Municipal ah hlan chhawngin an niin a ruang an lo buaipui dawn niin thudawnna chuan a tarlang.
Buaipui ngaite official lamin an buaipui a, Death Certificate lain vawiin hian Health Dept ah a theh lut ang a. Health Dept chuan Kolkata Municipal ah hlan chhawngin an niin a ruang an lo buaipui dawn niin thudawnna chuan a tarlang.
Post a Comment
He post chungchanga i ngaihdan lo sawi ve rawh: