Aizawl | May 4, 2020: Manipur mi, a bikin Tuiṭhaphai bial, Churachandpur mi leh sa Aizawl leh a chhehvel a tangkhang mekte haw dan tur Hmar Students' Association (HSA) in an ngaihtuah mek niin exploremizoram.com chuan thu a dawng.
HSA Aizawl Joint Headquarters chuan thuchhuah siamin, HSA Joint Headquarters Churachandpur leh Churachandpur DC nena inberawnin Zohnahthlak hnam Manipur mi chhan hrang hrang vanga Aizawl-a tangkhang mekte haw dan tur an ngaihtuah mek thu a tarlang.
Tangkhang haw duhte chuan HSA Aizawl Joint Headquarters General secretary Jonathan Lalremsiama hnenah inhriattir tur a ni, tiin a tarlang bawk.
Churachandpur mi leh sa Aizawl leh a chhehvela tangkhang mekte chu +919612231091 ah hian inhriattir tur a ni.
Post a Comment
He post chungchanga i ngaihdan lo sawi ve rawh: