India rama fisheries hmasawnna thlentu tur hmalakna PMMSY Cabinet inn pawm

Aizawl | May 20, 2020: Prime Minister Narendra Modi kaihhruaina hnuaia vawiin a Union Cabinet thukhawm chuan India rama fisheries sector-a Blue Revolution thlenna tura hmalakna lian tak Pradhan Mantri Matsya Sampada Yojana a pawm. 

Component pahnih Central Sector Scheme (CS) leh Centrally Sponsored Scheme (CSS) ah then a ni a. Central Sector Scheme (CS) leh Centrally Sponsored Scheme hnuaiah hian Rs.20,050 crore hman tura ruat lawk niin, Central share chu Rs 9,407 crore a ni anga, Stata share Rs 4880 crore leh a dawngtu (beneficiary) share chu Rs 5,763 crore a ni ang.

He scheme hi kum 5 kalpui tur a ni a, FY 2020-21 atanga FY 2024-25 thleng a ni ang.

PMMSY hi CS leh CSS tangkawpa kalpui a ni anga. CSS bikah hian non-beneficiary leh beneficiary oriented a kalpui a ni ang:-

a) Production leh Productivity tihpun a ni ang

b) Infrastructure leh Post Harvest Management

c) Fisheries Management leh Regulatory Framework

Funding Pattern: PMMSY hnuaia fund awm dan:

Central Sector Scheme (CS):

a) Project pumpui hi Central sawrkar tum a ni ang (ie 100% Central Funding)

b) Beneficiary neia sawrkar laipui hnuai leh National Fisheries Development Board (NFDB) hnuaia kalpui a nih chuan General category ah central assistance 40 % pek a ni anga, SC/ST/Hmeichhia tan 60%.

Centrally Sponsored Scheme (CSS):

Non beneficiary anga State/UT in CSS hnuaiah a kalpui a nih chuan a hnuaia tarlan ang hian Centre leh State in an in tum sem ang:

a) The North Eastern & the Himalayan States: 90% Central share and 10% State share.

b)   Other States: 60% Central share and 40% State share.

c)  Union Territories (with legislature and without legislature): 100% Central share (No UT Share)

Fisheries sector ah hmasawnna tur tam tak a awm avang leh a hlawhtlin theihna tur a nih avangin 2024-25 ah chuan kan rama thar chhuah hi 9% a pung in, metric tonne 22 million thar chhuah tum a ni.

Sangha leh sangha chaw tha pek a ni anga, uluk taka enkawl an ni bawk ang.

Value chain mumal tak a awm theih nan a hmunhma te tunlai khawl thar bera thuam that a ni ang.

Hei hian eizawnna tam tak hnenah a pe dawn a, sangha mantu 15 lakh chuang, fish farmer, fish worker, fish vendor te bakah khawpui leh thintlanga hemi kawnga eizawng tam tak ten an hlawkpui anga, an nitin sum lakluh pawh a tam phah ang.

- PIB Aizawl