Aizawl | May 21, 2020: Ministry of Home Affairs, chuan nimin khan hriattirna chhuahin Boad hrang hrang hnenah lockdown chhunga exam buatsaih phalna a pe. Zirna in school leh college zawng zawng te khar zui vek tur ni mahse MHA thu hriattirna chuan CBSE, ICSE State Boards, te exam tih khaihlak sak te chu exam chhunzawm a phalsak.
Amaherawhchu, Ministry of Home Affairs hian board exam buatsaih tur hian inkaihruaina tam tak a chhuah tel bawk.
Home Secretary Ajay Bhalla IAS chuan May 20 khan hemi chungchang hriattirna hi state zawng zawng Chief Secretary hnenah a thawn a. State Sorkar leh CBSE ten an ngen anga Class 10th, 12th exam buatsaih hi phalsak an ni.
"Zirlai tam tak te zir zelna tur hmakhua thlir chungin, inkharkhip (lockdown) ațang hian Class 10th,12th Board exam buatsaih anih theihnan phalna pek rem a ti a ni, MHA notice chuan a tar lang.
Board Examination 2020 buatsaih tur hian hengte hi an zawm tur a ni:
- Hri pui len nasat a laiah (containment zones) chuan exam centre pakhat mah neih phalsak an ni lo.
- Zirtirtu, staff leh zirlaite tan hmai tuam chu tih ngei ngei tur( mandatory) a ni
- Exam Centre ah thermal screening leh senitizer a awm tur a ni a, exam centre-ah mihring inhnaih chilh tur a ni lo. (social distancing).
- Board hrang hrang ten exam an buatsaih turah examination schedules an hre chiang tur a ni.
- State leh UT Sorkar ten zirlaite ten examination centre an panna turin special bus an ruahman sak tura beisei an ni.
Union Home Secretary letter : D.O NO. 40-3/2020 - DM - I(A) 20th May, 2020
- Huna Kawlni Kawlvawm
Post a Comment
He post chungchanga i ngaihdan lo sawi ve rawh: