Zirlai 30 chuang LPK chung-ah KM 400 chuang

Aizawl | April 12, 2020: Vathuampui leh a chhehvela zirlai harsa tak takte chuan an zinkawng KM 400 chuang zawh turin Mizo Zirlai 34 te chu vawiin khan LPK Truck chunga chuang chungin Aizawl khawpui an chhuahsan ta.

Pang Zirlai Pawl Joint Headquarters Aizawl chuan vawiin khan Pang Zirlai leh Zirlai dang Vathuampui leh a chhehvela mi te chu an hawna tur ngaihtuahin an hawtir niin thudawnna chuan a sawi.

LPK chunga chuangin KM 400 vel an zawh dawn

Heng zirlai LPK chunga hawte hi zirlai 34 vel niin, Lai Autonomous District hnuaia  
Vathuampui, Chamdurtlang, Mautlang leh Chamdur 'P' bakah Chakma Autonomous District Council hnuaia Mizo khaw awm chhun Damdep-II khua aṭanga Zirnaa hmasawnna beisei a hrehawmna chaldelh a, Hmuhsit leh diriamna kara Aizawl khawpuia lehkha zir ve hram hram te an ni.

LADC hnuaia khuate hi an bialtu MLA  chu Ngunlianchunga niin, CADC hnuaia mite hi BD Chakma a ni thung. 


Thudawnnain a sawi danin, heng zirlaite hawna tur hi PZP chuan ngaihtuahin zirlaite hian cheng 600 emaw 800 tein an thlenna tur zirin an chawi a, a bak zawng zirlai ten an thawhkhawmin a daih loh chu PZP hian an tum ta a ni. Zirlaite tana zirlai hruaitute leh PZP inpekna a fakawm takzet.

An ṭhiante haw tur thlain Zirlai hruaitute an buai hle

Zirlaite hi mahni inchawm leh chhungte pawisa thawn hmanga in luah leh hostel a awm te an ni a, Covid 19 vanga Lockdown a nih takah chuan Aizawl-a awm chu an tan a harsa tawh sia mahni khaw lam panin an haw ta a ni.

Zirlai 30 chuang, Aizawl khawpuia hmasawnna duha lehkha zir mek ten KM 400 vel LPK chunga chuang chunga zinkawng an zawh tur hi tun ang boruak-ah chuan ngaihtuah mai pawhin a harsat leh hrehawm tur zia chiang takin rilru ah a lang uar uar awm e.

Tun hi motor pangaa an hawna a ni tawh a, a ṭhen chu Pikup ten an lo haw tawh niin thudawnna chuan a sawi.

Heng zirlaite hian an awmna huam chhung Autonomous District Council ṭheuh-ah Bialtu MDC, EM, CEM leh Bialtu MLA chu an nei lo nge ni. Hetiang dinhmun khirh leh harsa-ah hetia an haw tak mai ni. 

Heng zirlaite hi a tam zawk chu Mizo hnam zinga Pang hnam an ni.

Pang fate'n Zirna hmanga khawvel eng an hmuhna atana PZP leh Pang zirlaite thawhrimna leh tawrhna hi hlawhtlinnain zui mawlh rawh se.

Covid 19 boruak zawha Zofate Jerusalem - Aizawl a dam taka inhmu leh ṭheuh turin tluang takin mahni khua ṭheuh thleng mawlh ang che u.

Pang fa a mawi chuan Zofa a mawi.

- H Zate
Founder
Explore Mizoram




(A hnuaia fakna hi lo hmet ve rawh.)

Post a Comment

4 Comments

  1. Owww.... Lirthei chungnei leh thutnatpangai taka chuang chung pawhin,400km vel chu ahreawm nia... LPK a kal tur chu avahreawm dawn em.......

    ReplyDelete
  2. In fit ava ngaidawn ve, Thian ho chuan thalai rual annih chuan hlimtak in an tumram thleng theuhturin Pathian in awmpui rawh so.

    ReplyDelete
  3. In fit ava ngaidawn ve, Thian ho chuan thalai rual annih chuan hlimtak in an tumram thleng theuhturin Pathian in awmpui rawh so.

    ReplyDelete
  4. khing zirlaite khian hmuhsit leh diriam khi Aizawlah an va tawk kher emaw ni aw... Ṭawngkam belh ṭullo tak niin ka hria.

    ReplyDelete

He post chungchanga i ngaihdan lo sawi ve rawh: