Serchhip district chhunga ran vulhtute ran chaw-a harsatna sukiang dawn

Aizawl | April 7, 2020:  Tunlai hrileng COVID-19 avangin Mizoram mipui pawh an buai hle a, ran vulhtute pawhin ran chaw ah harsatna an tawk a, he harsatna sukiang tur hian Serchhip District Task Force on Covid-19  chuan hma a la a, mawhphurtu inruatin ranvulhtute nen hmalakho an tum.

Ran vulhtu, ran chaw-a harsatna nei chuan he harsatna sutkianna mawhphurtute tura ruat C Biakchhawna Livestock Superintendent (Mb: 8974743515) chu lo biain, an lo thawkho thin dawn a ni.

A ni hian ran vulhtuten ran chaw an mamawh ang Feed Dealer te lo sawi puiin mumal taka ran vulhtute hnena sem chhuak lehin record fel tak nen DVO Serchhip hnenah a report thin dawn a ni.

Post a Comment

0 Comments