Aizawl | April 15, 2020: Mizoram Rural Developement Department chuan thuchhuah siamin MGNREGS hnuaia hnathawh hlawhte pawhpen (cut) phal a ni lo loh thu a tarlang.
Thuchhuah chuan, September ni 30, 2019-a RD Department thuchhuah angin MGNREGS hnuaia hnathawh hlawhte pawhpen (cut) phal a ni lo a. Sawrkarin a ruahman chhan Thingtlang Mipuite tan a nihna ang taka hman tangkai a nih theih nan MGNREGS hnuaia Job Card neitute thawh hlawh hi eng thil vang mahin midang tumahin an lak pen (cut) sak tur a ni lo tih RD Department chuan mipuite a hriattir nawn leh a ni.
RD Deptt chuan, "Tunlai boruak, rampum leh khawvelin hripui Covid-19 a hmachhawn mek lai leh chumi avanga mipuiten eibar zawnna kawnga harsatna an tawh mek lai hian thingtlang mipuiten eibar leh nitin mamawh kawnga harsatna an tawh loh nan mipui (Job Card Holder) te inhlawhna hi tumahin an lakpen/pawhpen (cut) sak tur a ni lo." a ti a.
Hemi chungchangah hian District District Programme Coordinator (DPC), District Programme Officer (DPO), Block Development Officer/Programme Officer leh khawtina VC/VEC hruaitute chu mahni bial/veng theuhah hma la turin RD deptt chuan a hriattir bawk.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: