Revised Guidelines hnuaia Inkharkhip kalpui atanga thiltih phal chin siambelh sakna tlema zalen deuha chet phalna chu April ni 20, 2020 atang a hman tan tur a ni ang.
Aizawl | April 15, 2020: India Sorkar chuan April ni 14, 2020 khan thuchhuah siamin ram chhung a COVID-19 hrileng dona atana Ministry of Home Affairs (MHA) in Inkaihhruaina a siam hnuaia Inkharkhip kalpui dan a siam chu May ni 3, 2020 thleng a hman tur ani tih a puang a.
Sorkar laipui thupek bawhzuina atan hian MHA chuan Government of India hnuaia Ministries/Department-te, State/UT sorkar-te'n COVID-19 hrileng dona atana inkaihhruaina an zawm tur a tichhuak a. He inkaihhruaina ennawn hnua tihchhuah thar leh hian COVID-19 management atana rampuma hman tur National Directives a siam bawk a. Chung zingah chuan Office, hnathawhna hmun, factories leh inrelbawlna hmuna Social Distancing kalpui dan tur SOP-te; Inkharkhipna bawhchhiate Disaster Management Act 2005 leh IPC, 1860 hnuaia hrem theihna chungchangte a tel a
Mipuite harsatna thawh tiziaawm tura hmalakna angin April ni 20, 2020 atanga hman theih turin thiltih phal chin siambelh sak a tlem a zalen deuh a insiam dan kawng a ngaihtuah a. Amaherawh chu inthlahdul deuhna hnuaia thiltih phal chin siambelh sak hi Inkarkhip kalpui mek hnuaia inkaihhruaina dan khauh tak zawm chungin States/Union Territories (UTs) /District Administration-te'n an kalpui thei dawn ani. Heng inthlahdul deuhna hnuaia thiltih phal chin siambelh sak hi an kalpui theih hmain States/Union Territories (UTs) /District Administration-te chuan office, hnathawhna hmun, factories leh inrelbawlna hmun leh mamawhna hmundangahte social distancing a awm theihna turin ruahmanna mumal tak an neih hmasak phawt a ngai dawn ani.
He consolidated revised guidelines hi states/UTs/District inrelbawlnaten hri darhna hmun tia an chhinchhiahahte hman a ni ve thei dawn lova. Hri darhna hmun/ containment zone category a telh thar hmun a awm anih chuan telh annih hnu atang chuan Union Ministry of Health and Family Welfare (MoHFW), Government of India inkaihhruaina hnuaia phalchin bak activity an lo neih thin zawng zawng tihtawpsak an ni ang a.
MHA hian Government of India hnuaia Ministries/Departments leh State sorkar/ Union Territory zawng zawngte chu consolidated revised guidelines hi khauh taka zawm turin a hriattir a ni.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: