PM leh Central Minister te inhmukhawm; Minister te chu State leh District Administration te nen a tul ang apiang ngaihtuah ho thei tura inrawn tawn reng a ngai: PM

PM hian COVID 19 do-na ah tum ruh tak leh phur takin uluk taka an thawhho a ngaih thu a sawi

Garib Kalyan Yojana hnuaia beneficiary ten an dawn tur an dawng em tih vil turin PM in Minister te a hrilh

PM in Aarogya Setu app thintlang leh hmun hla zawka an hman theih nan Minister te chu tilar leh zual turin a chah

App based cab services ang hian 'trick aggregators' ang thil thar loneitute tana hmuchhuak turin a chah:PM

Lockdown leh social distancing hi thuhmun a ni; lockdown zawh-a Ministry tin hnathawh tur phochhuah tur:PM

Business Continuity Plan Minister ten an siam tur a ni a, COVID 19 avanga economic tlahniam chawikang turin an in ringlawk vek tur a ni:PM

He buaina hi Make in India tan hun tha a ni a, ramdang atanga lakluh tihtlemna hun a ni:PM

Minister ten PM hnenah pandemic chungchang leh rawtna te an thlen tur

Aizawl | April 7, 2020: PM Narendra Modi chuan nimin khan video conferencing hmangin Central Minister te a kawm.

PM chuan Minister te inpekna a fak a, COVID 19 dona kawnga an hnathawh te a dak bawk. Ram hruaitu te chu state leh district administration te nen a tul anga hmalak zung zung a nih theih nan an in biak reng a ngaih thu a sawi a. PDS centre leh hmun pawimawh dangah te mipui pungkhawm an awm lohna tura hmala tura chah nawn lehin PM chuan black market leh ei leh bar ah harsatna lian a awm lo chu lawmawm a tih thu a sawi.

PM chuan PM Garib Kalyan Yojana hnuaia beneficiary ten an dawn tur an dawn nan vil ngun a ngaih thu a sawi a. Virus hi a darh loh na tura hmalakna hi kalpui nise tiin PM chuan damdawi mamawh leh protection equipment te chu a awm reng a tul thu a sawi bawk.

Lockdown chu social distancing nen a kal kawp a ngaih thu PM hian a sawi a, Lockdown zawh velah Minister te chu an mahni chan ah theuh hmalakna tur tun atanga an buatsaih a ngaih thu a sawi. Tun dinhmun thlir chungin kan ram chu ramdang tel lova khawsa thei tura kan siam ngei ngei a ngai a ni tiin, Make In India chu an zavaia an ngaih pawimawh a nih a ngai a ni  ati.

COVID 19-in kan ram economy a tih buai dan sawiin Prime Minister chuan chak taka hmalak a ngai a ni a ti a. Business Continuity Plan buatsaih a ngaih thu leh tun hun hi hmang tangkai a, medical sector-a hmalakna hun a hman a ngaih thu a sawi. Ram pawna India in a thawn chhuah te tipung a, a lakluh te tihniam a ngai a ni a ti. Prime Minister chuan Aarogya Setu app chu thintlang leh grass root institution ah tun aia tam zawk ten an hman a ngai a ni a ti.

#9pm9minute ah ramchhung hrang hrang atangin mipui an tel avangin a lawmawm a tih thu a sawi a. Prime Minister chuan migrant labour te buaina chinfel sak a nih tur thu a sawi a, dik lo taka social media hmanga mipuite ti chiai thin te hrem dan tur bakah ei leh bara harsatna a awm loh nana hmalakna te a sawi.

Union Minister, Principal Secretary, Cabinet Secretary leh Govt.of India-a senior officials te an tel  a ni.