Aizawl | April 19, 2020: Pradhan Mantri Garib Kalyan Yojana(PMGKY) kaltlangin Covid-19 hrileng karah Mizoram a Ujjawal Yojna beneficiary-te chuan an mamawh chhawmdawlna an dawng.
Tun a inkharkhip chhung hian, chhungkaw retheite harsatna hmachhawn nasa takin a tiziaawm a ni. PMKGY hnuaiah hian khawsak harsa zawkte tan sorkar laipui chuan chhawmdawlna lam chi hrang hrang a duang chhuak a. He Yojana in a ken tel pawimawh tak pakhat chu kum 2020 April atanga June thla chhung Pradhan Mantri Ujjawala Yojana(PMUY) beneficiary vaibelchhe 8 chuangte hnena eirawngbawlna gas LPG cylinder pathum (kg 14.2) a thlawn a pek hi a ni.
Pi Lalengmawii, Luangmual veng, Aizawl a cheng chu inkharkhip chhung hian eirawngbawlna gas lakna tur pawisa a bank account ah thun sak a ni a. Amah hi PM Ujjwala Yojana beneficiary ani a. Pradhan Mantri Garib Kalyan Yojana hi tha a tiin a fak hle a.
Kolasib district ah pawh hetiang dawngtu lawm em em hi an awm nual a. Pi Lalhmachuani leh Pi Lalpawlliani-te pawh IOC agency atanga eirawngbawlna gas an leih theihna tura an bank account a pawisa thun sak anni avangin sorkar chungah an lawm hle a. "Inah kan inkhung reng ringawt a ni mai a. Village task force-ten eitur min ngaihtuah sak a. Tunah hetianga eirawngbawkna gas a thlawn a kan han dawng leh ringawt mai hi kan lawm tak meuh a ni" tiin an sawi a.
For the seamless implementation of the scheme, the Oil Marketing Companies have been transferring an advance equal to the Retail Selling Price-RSP of one 14.2 kg refill or one 5 kg refill depending upon the type of package to the linked bank account of PMUY customer. The customer can use this advance money to take LPG refill. The Oil Marketing Companies (OMCs) are distributing 50 to 60 lakh cylinders per day, which includes about 18 lakh free cylinders to PMUY beneficiaries.
He scheme hi tluang taka kalpui anih theihna tur atan Oil Marketing Company-te chuan PMUY customer-te bank account nena inthlun zawm a zirin dawr a zawrh chhuahna man angin eirawngbawlna gas refill kg 14.2 emaw kg 5 emaw man an thun sak a. Customer-te chuan pawisa advance a pek hi LPG refill leina atan an hmang thei a. Oil Marketing Companies (OMCs) hian nitin cylinder nuai 50 atang a 60 an pe chhuak a, chung zingah chuan PMUY beneficiary-te hnena a thlawn a sem chhuah nuai 18 a tel a ni.
- PIB Aizawl
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: