Aizawl | April 19, 2020: COVID 19 vanga kan inkharkhip chhung hian khawsak harsa zawkte'n chatlak lova an mamawh zualpui an inlak khawm theih a, harsatna lutuk an tawh loh nan Union Finance Minister Pi Nirmala Sitharaman chuan March ni 26, 2020 khan cheng vaibelchhe nuai 1.70 awmna Pradhan Mantri Garib Kalyan Ann Yojana Package (PMGKP) siam anih thu a puang.
Tun thla kar hnihna thleng khan ramchhung hmun hrang hrang a mi vaibelchhe 5.29 chuang hnenah Pradhan Mantri Garib Kalyan Ann Yojana kaltlang hian a thlawn a ration pek ani tawh a.
Mizoramah chuan beneficiary thahnem takin he scheme hi an chhawr tangkai a. Kolasib district a a chhawrtute chuan Pradhan Mantri Garib Kalyan Ann Yojana hian inkharkhip chhung hian nasa takin a chhawmdawl niin an sawi a.
Pi Lalbiakmawii Kolasib Venglai a cheng chuan PMGKP hnuaia a thlawn a ration an sem avangin sorkarlaipui hnenah lawmthu a sawi a. Covid-19 vang a kawng hrang hrang a harsatna awm mek karah he hmalakna hi an tan a tangkai tak meuh a ni a ti a. He scheme hmang hian an chhungkua chuan buhfai kg 56 a thlawnin an dawng a ni.
Kolasib Venglai a cheng tho Pu B. Lalzuiliana pawh a lawm hle a. An chhungkuain a thlawnin buhfai Kg 25 an dawng a. Sorkarin PMGKP hmang a a thlawna ration lak theih dan a ruahman sak avangin lawmthu a sawi a ni.
Pi Lalnunhlimi, Kolasib Venglai a mi pawh he scheme chhawrtute zing a mi hi a ni a. An chhungkuain buhfai kg 48 a thlawnin an dawng a. Inkharkhip chhung a a thlawn a ration an lak theih avangin ruahmanna siamtu sorkar chhungah lawmthu a sawi a.
Kolasib district-ah hian chhungkaw thahnem takin Pradhan Mantri Garib Kalyan Ann Yojana hi an chhawng tangkai a. COVID 19 vanga hun harsa kan hmachhawn mekah hian he scheme hian mi tam tak nasa takin a chhawmdawl a ni.
- PIB Aizawl
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: