Aizawl | April 14, 2020: Mizoram Board of School Education (MBSE) Secretary Lalthangbika'n vawiina thuchhuah a siam angin MBSE hnuaia pawl 12; Higher Secondary School Leaving Certificate exam, Covid 19 vanga ṭhulh lailawk chu April 22 aṭang hian chhunzawm a ni dawn.
Thuchhuahin a tarlan danin, Exam hi April 22 aṭanga April 24 chhung hian an bei ang a, April 22 hian Economics leh Chemistry (Theory) an exam ang a. April 23 hjan Sociology exam lehin April 24 hian Computer Science (T) leh Home Science (T) te an exam ang.
Tarlan tawh angin Covid 19 hrileng mek vangin Pawl 12 exam laklawh lai chu tihtawp lailawk a ni a, Sawrkar ruahmanna angin ruahmanna siamin vawiin khan thuchhuah an siam ta a ni.
Zirlai exam la zo lo zingah hian Art, Science leh Commerce zirlaite an awm a, ruahman ang chuan exam hi ni thum chhunga zawh tur a ni. Exam hi zing dar 10 ah ṭanin chawhnu dar 1 a zawh tura ruahman a ni bawk.
Zirlai exam bei turte hian inbuatsaih nan kar khat an la nei a ni.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: