BJP in Mizo Tlangvalte kut tawrhna dem

Aizawl | April 20, 2020: BJP Mizoram Pradesh chuan thuchhuah siamin,  April 18 tlai dar 4 bawr vel a New Kawnpui, Thaidawr kawng-a Duty 5th IR Bn mi pahnih, C Lalhruaitluanga S/o C Lalnunsanga Republic Vengthlang Aizawl leh Zairemmawia S/o R Vanlalsawma Hlimen Covid 19 avanga duty te duty na hmun a sawisak an ni chu an dem takzet thu an tarlang.

BJP chuan, heng thil titu an man tawh bakah hian midang inhnamhnawih ni a hriat te hi thuneitu ten a rang thei ang bera man chhuak turin an ngen a. One man Judicial Magistrate Inquiry din a, thil tisualtute chhuichhuah a, an phu tawk hremna pek chu an duhdan a nih thu an tarlang.

BJP chuan, Mizoram leh hnam a himna tur atana theihtawp chhuah a mahni inlum chhuahsan a Duty pahnih, misual kut tuar te enkawlna senso zawng zawng bakah zangnadawmna Mizoram Sorkar in pe ngei bawk se an ti a, hetiang thil duhawm lo hi tun hnuah thleng nawn tawh lo se an ti bawk.