Synod Hospital Blood Bank-in thisen an dawng tlem?

"Nu mittuiin a fa nunna a chhan thei lo, i thisenin a chhan thei a sin!"

Aizawl | March 16, 2020: Synod Hospital, Durtlang chuan nikkum chhung khan thisen unit 3310 an dawng a, thisen mamawhna kiam si lovin kum hmasa aiin thisen an dawn zat a tlem niin EXPLOREMIZORAM.COM chuan report a dawng.

Thisen
December 2019 khan Synod Hospital hian thisen unit 395 dawngin, component siamin unit 233 an siam a, thisen pekchhuah zawng zawng erawh unit 545 a ni thung. Heng an pekchhuah zingah hian White Blood (WB) unit 30, PRBC 134, FFP 212 leh PC 169 a ni.
Synod Hospital Panorama Click - H Zate
Thisen unit khat an dawn atang hian component an siam hian unit khat dangte an siam leh thin a, heng hi White Blood (WB), Fresh Frozen Plasma (FFP), Packed Red Blood Cells leh PC ah te then leh niin, component an siam chuan thisen unit 395 lutin, unit 545 a chhuak ang hian thisen lut zat aiin a chhuak zat hi  a lo tam ta thin a ni.

Nikkum chhung khan Synod hospital hian thisen unit 3310 an dawng a, component 1926 siamin, component an siam zat hi 58.18% a ni a, thisen an pek chhuah zat hi unit 5981 a ni.

Thisen an dawn zat hi kum tin a danglam a, nikkum khan unit 3310 an dawn laiin, 2018 khan unit 3335 an dawng a, 2017 khan unit 3327 an dawng a, kum 2016 khan unit 3039 an dawng bawk.

Thisen an dawn zat hi 2016 atang khan a pung a, 2018 thleng khan pung mahse, 2019 khan unit 25 in a kum hmasa an phak ta lo a ni. Niikuma Synod Hospital in thisen an dawn zat hi Kum 2018 nena khaikhinin tlem zawk mahse, kum 2016 nena khaikhin chuan a la tam tho a ni.

Synod Hospital in thisen a thlawna pe an dawnna tam ber chu Kristian Thalai Pawl (KTP) Branch leh Bial kaltlang a nih thu Synod Hospital Blood Bank Officer Dr B Lalnunthari chuan a sawi.

- H Zate
Founder
Explore Mizoram

(A hnuaia fakna hi lo hmet ve rawh.)

Post a Comment

0 Comments