MZP in Zophaia Mosque sak hna chhunzawm leh an tlawh; Vai pungkhawmin kawng dang nghal

Aizawl | March 13, 2020: Mizo Zirlai Pawl (MZP) chuan Bairabi, Zophai hmuna dan lova Mosolman Biak In sak, hun rei tak an chawlhsan tawh chu tunhnaiah hmathar lak a ni tih hriain nimin khan a hmunah an tlawhin, MZP general secretary  Pu Lalnunmawia Pautu  hoin MZP Headquarters, Kolasib leh MZP Sub-Headquarters, Bairabi hruaituten an enfiah a, he thil hi duh lovin Vai ṭhenkhat an pungkhawma kawng an dang nghal niin thudawnna chuan a sawi.



Mosque saknaah hian Hmathar an la ngei a ni tih hriat a nih avangin leh slab chhun tuma a dona tur an siam belhte an hmu a, Sa chhunzawm tawh lo tura hrilh nghalin an tilui anih chuan helai venghim tur hian MZP chuan tih hreh engmah a nei dawn lova, kan ram humhim tur leh a tul ang a che chhuak turin MZP chu engtiklai pawhin a in ralring reng a ni, tiin an hrilh.

MZP chuan, "Mizoram Police te awm lai renga, Assam lamin hmathar la a hna an thawk thin chu mak a ti hle a, helai hmuna Mizoram Police duty te pawh hna chhunzawm tumna a awm anih chuan lo dang ve tawh turin a ngen nghal a, kan sorkar thuneitute pawh ram venhimna kawngah chak zawka hma la a tun aia ramri ngaihvena, vei chhunzawm turin a phut bawk a ni."

He thil thleng vang hian a bul vela vai awmte chu inhawrkhawmin Bairabi u Gharmura kawng an dang nghal niin thudawnna chuan a sawi.

MZP chuan nimin piaha sawrkar official te Bairabia joint meeting ṭhut hnu-ah hna thawh belh a awm ngei tih a hmunah an hmu a ni.

Post a Comment

2 Comments

He post chungchanga i ngaihdan lo sawi ve rawh: