Miss Mizoram Lunglei 2020 R Lalsangzeli lawmthu sawina

Ahmasa berin tun dinhmun min hruai thleng a, chhungkua-ah damna leh hriselna min petu leh hun tha min siamtu Pathian chungah lawmthu ka sawi a.

  

Huaisenna leh rinna min pe a ka vuan mai ni lovin aman min vuan a, min thlah ngai lo a, a mi hriat ka ni hi ka lawm em em a ni.


(hmet kauh rawh.)

Tun dinhmun thleng thei tur a bul ka tan hma atang tawh a engkim min hrilh a min zilh thintu ka u te pahnih Matthew leh Ruth te chungah hian ka lawm takzet a, min tuipuina leh min hrilh peih a min venpuina rah ka seng a ni. Anni hi awmlo se miss mizoram hlutna ka hre dawn si lo tel ngam tur a min fuih tlat tu te an ni a. Ka nun ah an pawimawh em em a ni. 

Mizoram Journalists' Association (MJA) Lunglei te min thlawpna-ah ka lawm a. Nu leh pa nih an tlin hle-in ka hria. Ka engkim a engkim te an ni a, ka duh leh mamawh engkim min tihsak a MJA Lunglei vul zel rawh se.

Ka chhungte min thlawp tha a min tawngtaisak a. Ka kaihza min vensak a beidawng a ka awm tur min tung ding tu te an ni.

Min sponsore-tu zawng zawngte chungah ka lawm a, min thuammawi a ka mamawh engkim min tihsaktu an ni a ka mawina ber te an ni. Hming mal a sawi dawn chuan a tam a, sawi loh palh neih a hlauhawm si, in zavaia chungah ka lawm takzet.

Lungleia ka thlen in U heleni chungah ka lawm em em a, ka nu ai awh zo khawpin min enkawla, kawng tinrenga min ngaihtuahna te kha ka tan a hlu takzet.

Nunu Rualhleng, Eddie, Miss Jacinta leh  Magic N neitunu U Numami  min fuihna ah ka lawm em em a, huaisenna ka neih theihna tur a min fuih tu, ka nihna bak bakin huaisenna min pe a nangni avang chauh hian he intihsiakna hi ka puitlin a ni.❤️

ZONET chhungkaw chungah ka lawmthu em em a, a rethei zawk te dawmkan tum tlat mi an nihna hi ka hmuchiang hle a ni.

Min tan tlat a, min tawngtaisak thin tu te in chungah thinlung takin ka lawm a, ka sawi hmaih zawng zawng te nen lam in chungah ka lawm em em a ni.



(A hnuaia fakna hi lo hmet ve rawh.)

Post a Comment

0 Comments