Thenzawl | March 27, 2020: Thenzawlah hian Mizoram a Coronavirus hri vei hmuhchhuah takin Thlawhnaa a rawn chuanpui mi pahnih an awm ve avangin, mipui an fimkhur lehzual tawh hle a, Thenzawl Town Task Force Committee hruaitute chuan zing leh zan pawh sawi lovin, meeting an nei deuh reng a, Veng hrang hrang an fangkual deuh reng bawk a ni.
Vawiin hian Bialtu MLA, Pu Lalduhoma chuan Thenzawl rawn tlawh a tum niin thudawn a ni.
Vawiin hian Grace Indane ten Gas an sem dawn a. Task Force Committee leh Gas Agent te leh YMA Branch hruaitute ruahman angin, YMA Branch tin ten an huamchhunga Gas la phakte tlawmngaiin an laksak dawn.
Nimin atang khan Hri leng laka inven nan YMA Branch hrang hrang ten khawlai leh hmun pawimawh laiah Chlorine/damdawi tui an kap ṭan.
Vawiin hian Bialtu MLA, Pu Lalduhoma chuan Thenzawl rawn tlawh a tum niin thudawn a ni.
Vawiin hian Grace Indane ten Gas an sem dawn a. Task Force Committee leh Gas Agent te leh YMA Branch hruaitute ruahman angin, YMA Branch tin ten an huamchhunga Gas la phakte tlawmngaiin an laksak dawn.
Nimin atang khan Hri leng laka inven nan YMA Branch hrang hrang ten khawlai leh hmun pawimawh laiah Chlorine/damdawi tui an kap ṭan.
Nimin kha PM in Janata Curfew a puan leh Mizoram Sorkar in Lock Down a puan atanga ni 5 na niin Thenzawlah boruak a muanawm a. Duty Post tinah Task Force, YMA leh Police te an duty a, zing dar 6 vel aṭangin zan dar 10 vel thleng an duty ṭhin a, buaina leh harsatna em em sawi tur a awm lo.
Mizorama hri vei enkawl mekin Thlawhtheihnaa a chuanpui mi 2 Thenzawlah an rawn haw vangte leh eng eng emaw thuthang vang te, duty a ṭhat vang te leh mipui fimkhur hrim hrimna vangin ṭul tawp lova pawn chhuah luih ṭalh tum ang chi an awm meuh tawh lo.
Nimin atang khan Dawr inhawng pakhatmah a awm tawh lo. Kuhva a vang ṭan a, dawr tam zawkin lei tur an nei tawh lo. Dawrkai engemawzat chuan dawrtu neih aiin, fimkhur thuah dawrtu neih loh an duh mah tawh emaw tihtur a ni a. Mahse, mipui mamawhna avangin tlawmngaiin a mamawh ngawih ngawih te thil an lei tir. An fakawma, chhunzawm zel se a duhawm hle.
Duty ten strict dan tawk an thiam ṭan a. Strict lutuka Lock Down kalpui chuan, ṭul lovah mahni leh mahni a inhrek vak theih tih hriain, Lo lama thlai la tur leh pawimawh zual tak tak te pawh ram lamah hnathawka kalchhuah phal an ni.
Karleh April thla chawlhkar khatnaah Retailer ten mipui hnenah Supply Buhfai, Quota an semchhuak dawn niin an insawi.
YMA Branch information centre aṭangin mipui pawnchhuak lo tur leh a mamawhte YMA hruaitute hnenah inhriattir tura ngenna puanzar deuh reng a ni.
Khawdang, Thenzawl khawchheh a mi ten an mamawh an rawn lam deuh reng a. An duhthal a lei tur erawh a awm meuh lo.
YMA Branch information centre aṭangin mipui pawnchhuak lo tur leh a mamawhte YMA hruaitute hnenah inhriattir tura ngenna puanzar deuh reng a ni.
Khawdang, Thenzawl khawchheh a mi ten an mamawh an rawn lam deuh reng a. An duhthal a lei tur erawh a awm meuh lo.
R Lallura Pump leh MIZOFED Pump ah Petrol leh Diesel Emergency tak tak chauh, phalna nei tan pekchhuah a ni.
Thenzawl Town Task Force hruaituten Duty Post hrang hrang an tlawhkual deuh reng a. Harsatna leh pui an ngaihna te a hmunah an chinfel theih te an chinfel pui nghal zel a. Task Force Committee OB leh member te an hah ve hle.
Thenzawlah a ni 5 na atan nimin khan Lock Down khauh taka kenkawh a ni a. Janata Curfew neih aṭanga a ni nga (5) na niin, khawchhunga veng ṭhenkhatah ei tur nei lo, mi harsa zual, chhuanchham an awm chho ṭan mek a. Heng mite hi an awmna Branch YMA, Village Council leh Thenzawl Town Task Force Committee te chuan a remchan angin Buhfai leh chawhmeh chhungkaw 25 vel hnenah ṭanpuina hi an pechhuak tawh a. Heng ṭanpuina an pek te hi nitina inhlawhfa chawp ve te te hnathawka chhuah theih loh vanga harsatna tawk ta te, damlohna avanga ṭanpui ngai an ni hlawm. Hetianga ṭanpui ngai, harsatna tawkte an awm anih chuan tumah thlaphang lova, a remchan anga Task Force Committee, VC leh YMA te hnenah inhriattir zel turin an ngen.
Thenzawlah a ni 5 na atan nimin khan Lock Down khauh taka kenkawh a ni a. Janata Curfew neih aṭanga a ni nga (5) na niin, khawchhunga veng ṭhenkhatah ei tur nei lo, mi harsa zual, chhuanchham an awm chho ṭan mek a. Heng mite hi an awmna Branch YMA, Village Council leh Thenzawl Town Task Force Committee te chuan a remchan angin Buhfai leh chawhmeh chhungkaw 25 vel hnenah ṭanpuina hi an pechhuak tawh a. Heng ṭanpuina an pek te hi nitina inhlawhfa chawp ve te te hnathawka chhuah theih loh vanga harsatna tawk ta te, damlohna avanga ṭanpui ngai an ni hlawm. Hetianga ṭanpui ngai, harsatna tawkte an awm anih chuan tumah thlaphang lova, a remchan anga Task Force Committee, VC leh YMA te hnenah inhriattir zel turin an ngen.
Thenzawl Town Task Force Committee ten a ṭul anga mi harsa zual ṭanpui nana an hman turin Kohhran, Sorkar Department, NGO leh mimal ten pawisa an pek tlingkhawm hi cheng nuai khat leh sing sarih (Rs. 1,70,000/-) nimin thleng khan a tling tawh a. Hei bakah hian Veng hrang hranga Duty ten ṭanpuina pawisa engemawzat an dawng hlawm bawk.
Veng ṭhenkhatah chuan tui thianghlim in tur nei lo te tan mimal inphal leh tlawmngai-ten Lirthei hmanga tui chawiin, a mamawh te hnenah a thlawnin an semchhuak a, mimal ṭhahnemngai, mi harsa zawk tana ṭanpuina an theih ang ang pe an awm nual bawk. A ROPUI KHAWP MAI.
Thenzawl Veng hrang hrangah tunlai hun tawng vanga harsatna tawk, ei bar ah chhuanchham mai tur ang chi an awm chuan YMA Branch hruaitute leh Task Force hruaitute hnenah inthlahrung lova inhriattir tur leh an ṭhenawmte pawhin hruaitute bengvar turin ngen an ni a. Task Force Committee chuan mi tumah chhuanchham an awm an remti lo tih an sawi.
- Liantluanga Renthlei, Editor, Vantawng, Thenzawl
Post a Comment
He post chungchanga i ngaihdan lo sawi ve rawh: