COVID 19 | March 22 ah Janata Curfew

Aizawl | March 19, 2020: Prime Minister Narendra Modi chuan COVID-19 laka him zawk nan March 22 zing dar 7 atanga zan dar 9 thleng Janata Curfew nei turin a sawm.

PM chuan ṭul lutuk vang chauha mahni chenna in chhuahsan turin a ngen a ni. PM chuan hei hi a hlawhtlin chuan hun lo kal zel tura he natna kan dona hian kawng thui tak a hril dawn ani a ti a. He ni ah hian kan ram inpumkhatna a lang dawn a ni a ti.

Prime Minister chuan dawhtheihna in he natna hri leng avanga buaina chhuak te chu a hneh theih thu a sawi a. Chuvang chuan he natna hri do kawngah hian kan zavaiin tih tur kan nei a ni a ti a, sawrkar in ruahmanna a siam te chu zawm vek turin mi zawng zawng a sawm a ni.

Prime Minister chuan mi zawng zawng hnenah 'kan hrisel chuan, khawvel a hrisel a ni' tih thupui hi zawm nise tiin a sawm a. Mipui te chu mahni in vawng a, awmkhawmna hmuna a tlem thei ang ber awm turin a sawm a ni. Keimahni kan in lak hran theih a, mahni in chhunga a tam thei ang ber kan awm a, tul lova kan zin chhuah lohna turin mipuite te a chah a. Tun kar lo awm chho turah hian kum 60 aia upa te ina awm turin leh tul lova damdawi in kal lo turin leh zei ngai emaw routine check up te pawh a theih ang anga ti hrih lo turin a ngen a ni.

Janata Curfew

Prime Minister chuan March 22 zing dar 7 atanga zan dar 9 thleng Janata Curfew turin a sawm a. Tul lutuk vang chauha mahni chenna in chhuahsan turin a ngen a ni. PM chuan hei hi a hlawhtlin chuan hun lo kal zel tura he natna kan dona hian kawng thui tak a hril dawn ani a ti a. He ni ah hian kan ram inpumkhatna a lang dawn a ni a ti.

State sawrkar te chu hma la turin a hriattir a, Prime Minister chuan thalai pawl zawng zawng, NCC leh NSS te tiamin Janata Curfew tur hi puang zar turin a ngen a. Mi pakhatin mi 10 zel hrilh chhawng turin a sawm bawk.

Mahni in phatsana hnathawk tute hnenah lawmthu a sawi a ni.

Prime Minister chuan COVID 19 dona kawnga mi huaisen te chu chhuanawm a tih thu a sawi a, medical staff, police, sawrkar hnathawk, airline a thawk, media mite bakah bus/train leh auto rickshaw khalh tute leh home delivery titute hnenah lawmthu a sawi bawk a ni.

An hnathawh hi mi zawng zawngin kan zah anih tih lan nan PM chuan March ni 22 tlai dar 5 khian mahni in balcony emaw kawngkhar bualah theuh dingin minute 5 chhung kut beng emaw thil dang tiri in i chhuak khawm ang u a ti.

Prime Minister chuan state sawrkar te mawhphurhna tur anih thu leh tlai dar 5 ah siren a rik tur thu asawi bawk a ni.

Economic ah nghawng thui tak a nei
He natna hri leng hian economy ah nghawng nasa tak aneih thu a sawi a. Prime Minister chuan COVID-19 Economic Response Task Force, Finance Minister kaihhruaina hnuaiah din anih thu a sawi a. Hei hian ngun takin a ngaihtuah ang a, a tul angin hmalak a ni ang.

Prime Minister chuan thla khat lakluh tam zawk leh sumdawng te hnenah ngennin mi harsa zawkte tanpui turin a ngen a, inhlawhfa-a khawsa te chu PM hian an hlawh te tih hniam sak lova, heng hun harsa ah hian kalsan lo turin a ngen bawk.

Prime Minister chuan ei leh barah harsatna engmah a awm dawn lo a ti a. Chuvang chuan hlauhthawn avanga lo in lei lawk tun tun lo turin mipuite a ngen a ni.

Prime Minister chuan mi zawng zawng te lungrual taka tang tlanga, he natna hri COVID 19 hi a huhova do turin a sawm nawn leh a. Thu belhchian dawl lo laka mipuite fimkhur turin a chah a ni. Mipui ten midang ngai chang chunga hma kan lak chuan India in he natna hri hi a hneh dawn ani a ti.

Post a Comment

0 Comments