Aizawl | March 11, 2020: Lunglei District Magistrate chuan nimin khan thuchhuah siamin Lunglei district chhunga India leh Bangladesh inrinaa inkalpawhna dang zawng khar a nih tur thu leh Kawrpuichhuah chauh hawn a nih tur thu a tarlang.
Coronavirus (COVID 19) hri hlauhawm tak chu tunlai hian India ramah positive case hmuhchhuah niin, a vei pawh an pung zel niin hriat a ni a. Hetiang hi thil awm dan a nih avangin mipuite him theih nan leh inven theih nan thupek chhuahin, Lunglei District magistrate R Vanrengpuia MCS, chuan Section 144, CrPC 1973 in thuneihna a pek angin he hri lak atanga mipuite him theihnan leh Lunglei District chhunga a darh ve loh nan a hnuai a mi ang hian thupek a chhuah ta a ni.
Thupekin a tarlan danin, Lunglei District chhunga Kawrpuichhuah bak India leh Bangladesh inri-na hmun dang atangin Lunglei District chhungah mi tumah an lutin an chhuak tur a ni lo.
Kawrpuichhuah kaltlanga Mizoram rawn lut te pawhin COVID 19 Screening an nei ngei tur a ni.
He thupek zawm lo chu Sec 188 IPC hmanga hrem theih an ni ang.
He thupek hian thu leh awm hma chu chhuah a nih atanga thla 2 (hnih) chhung a huam ang.
Post a Comment
He post chungchanga i ngaihdan lo sawi ve rawh: