ZO Kutpui hmang dawn; ZORO in dodal lo

Aizawl | February 6, 2020: Mizoram Sawrkar Tourism Department leh Zo Kutpui Organising Committee Manipur buatsaihin February 11 - 12 chhung hian Kawnpui, Churachandpur district Manipur-ah ZO Kutpui ropui tak a hman a ni dawn.

He kut hi ZORO in a dodal niin, The Sangai Express chuan a tarlang a. Mahse, ZORo chuan an dodal loh thu vawiin khan ZORO president chuan thuchhuah siamin a tarlang.

 

ZO Kutpui-ah hian ZO hnathlak hnam hrang hrangte inpawhna leh inpumkhatna a thlen theihnan ZO hnam hrang hrangte fuankhawm tura beisei a ni a. Inbuatsaihna pawhin a vawrhtawp a thleng chho mek a ni.

 

hetih mek lai hian Manipur a nitin chanchinbu The Sangai Express chuan ZORO in an dodal angin a chhuah a, hei hi  Zo Re - Unification Organisation (ZORO) general headquarters Aizawl chuan pawi a ti a, He kut hi an dodal lova, an thlawp a, an thlawp mai pawh ni lovin an president hovin chhim an tum nghe nghe a ni. ZORO Policy, 'ZOfa then darha awm tawh te, unau kan ni tih inrhiat thar lehna tura beihna chi reng reng chu ZORO chuan a pawm vek a ni. tiin ZORO President R Sangkawia chuan vawiin khan thuchhuah a siam.

ZORO chuan, "Manipur State Chanchinbu thenkhatah ‘ZORO opposes proposed ZO KUTPUI’ ti a chhuah chungchangah ZORO General Headquarters chuan hetiang ngaihdan hi a nei lo. Committee-ah pawh ngaihtuahin “ZO KUTPUI-ah hian palai kal nise” tiin thuthlukna a siam vek zawk a ni. Mizoram Sorkarin Zofate inunauna tura a hmalakna hi ZORO chuan tha a ti a, ZORO policy, ‘Zofa then darha awm tawh te, unau kan ni tih inhriat thar lehna tura beihna chi reng reng chu ZORO chuan a pawm vek a ni." tiin thuchhuah an siam.

He hun hi Mizoram atang pawhin chhim turin mimal leh pawl hrang hrang an kal dawn niin Explore Mizoram chuan thu a dawng.

•• Post hi link nen i lo share ve zel dawn nia. ••

•• A hnuaia Fakna lo lang hi i click apiang khan Explore Mizoram kal zelna atan tha i thawh ve a ni. ••