VILLAGE: Mimbung

Sialkal Range Development Council Office pui ber awmna Mimbung khua hi Saitual district a awm niin in 450 vel khua nia ngaih a ni. 

 

Saitual district pian hma chuan Champhai district chhunga awm thin a ni a. Ngopa Rural Development block chhunga awm a ni a, Sialkal Range Development Council ah hian Ngopa BDO hi member secretary a ni nghal a ni.

Census of India 2011 in a tarlan danin Mimbung khua-ah hian mihring 1990 chengin Mipa 1021 an ni a, Hmeichhia 969 ni ni.

Mimbung khua-ah hian Anganwadi pathum awmin, Govt Mimbung Primary School pahnih; Govt Mimbung Primary School 1 & 2 a awm a, Middle school pakhat; Govt Mimbung Middle School, High School pakhat; Govt Mimbung High School leh Mimbung English School ( Elementary to High School) bakah  Mimbung HSS (Lumpsum) a awm.

  

Kohhran lamah hian member tamna ber chuEvangelical Baptist Convention Church (EBCC) niin, EBCC Kohhran District Superintendent in a awp bawk a, EBCC bakah hian PCI,  PCI(R),  UPC leh 7th Day te a awm.

Hriselna lamah Primary Sub - Centre pakhat leh  Health Sub-Centre a awm.

 

Sialkal Range Development Council Office pui ber awmna a nih bakah  Cable TV Operator pakhat a awm a, NGO hrang hrang heng YMA, MHIP, MUP, GSA leh Paite zirlai pawl; Siamsin Pawlpi (SSPP) te hi a awm a ni.

 Mimbung hi a khaw thleng a nuam a, hmun rem leh nuam tak a nih bakah a boruak pawh a nuam hle a ni.

A boruak nawmna hi thuhran nise, pawimawhna deuh a neih chu Mimbung khua hi Mizoram, Manipur (India) state leh Myanmar inrinaa awm a ni.

 Hemi vangte pawh hi a ni ang a, India sawrkarin a ngaipawimawh a khaw lian lutuk ni lo mahse Assam Rifle in an thut chilh a  ni.

With Input from RD Hangzo

- H Zate

Founder

Explore Mizoram

( www.exploremizoram.com ) 

##Post hi link nen i lo share ve hram dawn nia.

(A hnuaia fakna awm hi i lo hmet ve kauh dawn nia.)