Aizawl | Feb 18, 2020: Mizoram University Department of Social Work leh Zublee Foundation, Guwahati tangkawp chuan vawiin khan Mizoram University Auditorium ah ‘Deceased Organ Donation’ tih thupui hmangin awareness programme an hmang.
He hun hi Dept of Social Work assistant professor Dr Henry Zodinliana Pachuau chuan kaihruaiin, MZU Pro Vice Chancellor professor RP Vadhera chuan khuallian niin he hun hi a hmanpui a, Department of Social Work HOD prof Kanagraj Easwaran chuan kalkhawmte lawmna thuchah tawi a sawi.
Zublee Foundation CEO Priyanka Borah chuan Zublee Foundation indin chhoh dan leh an hnathawh dan kalhmang te sawiin, Zublee Foundation chu kum 2013 a din niin North East ah chuan Organ Donation pawl awm chhun an nih thu sawiin, Mizoram mai ni lo hmarchhak state hrang hrang atangin taksa peng thih hnua midangte lo hman tura pe duh tu tam tak an awm chungin, kan rinna leh kan hnam kalphung nen a in mil loh avanga hmun dang pan an tam tih a sawi a. Kalkhawmte thih hnu thleng pawha midang tana malsawma ni turin a sawm bawk.
He hun hi National Health Mission mission director Dr Eric Zomawia chuan hman puiin, Mizoram-ah taksa peng hrang hrang mamawh damlo tam tak an awm lain heng damlo te mamawh taksa peng petu (organ donors) an la tlem thu a sawi.
Zublee Foundation atanga lo kal Dr Madhurjya Sarmah chuan lawmthu sawina hun a hmang a. Chawhnu lamah thih hnua taksa peng mi dangte hman tura pek (deceased organ donation) pawimawhna te leh hmarchhak state a organ donation dinhmun te sawihona hun hman niin, midangte hnenah organ donation chungchang thehdarh zel turin kalkhawmte an infuih thar bawk a ni.
(A hnuaia fakna hi i lo hmet kauh dawn nia.)
Post a Comment
He post chungchanga i ngaihdan lo sawi ve rawh: