Aizawl | Feb 25, 2020: Mahindra XUV 300 neitute chuan Mana Motors huaihawtin Live Young Live Free Drive rally hmangin vawiin khan Aizawl khawpui an fang.
Mizorama Mahindra dealer Mana Motors Principal Dr Franklin Lalrinngheta'n 'Live Young Live Free Drive rally hi a vai liam a, Traffic Police kaihhruaina hnuaiah XUV 300 car 20 rualin Folkland Park atangin Aizawl khawpui an fang a, hmar lam atangin chhim tawp Zampuimanga thlan thlengin an inzui a, Folkland Park-ah letlehin hun hlimawm tak an hmang.
He hunah hian, Mipui tana harsatna siam lo tura lirthei khalh dan inzirtirna hun an hman bakah, Mahindra XUV 300 leitute leh an chhungte mi 250 velin Folkland Park-ah nilengin zai thiamte nen intihhlimna hun an hmang a, zanriah chawhlui an kil ho nghal.
Dr Franklin Marina chuan, "Mipui vantlang tana tangkai ni tura ke pen hi kan tih tur pawimawh tak a ni a. Veng hrang hrangah mi harsa tanpui leh chhawmdawl ngai chhawmdawlin theih angin hma kan la ve thin. Chu bakah min dawrtute chungah kan lawmzia lantir nan tih ve tur kan nei niin kan inhria a, kum tinin hun hlimawm kan siamsak thin a ni," a ti a, kumin chaw hnu lamah Mahindra lirthei nei zawng zawng tan 'Live Young Live Free Drive' buatsaih leh an tum bawk.
Nikkum V Day khan Mizoramah XUV 300 tlangzarh a ni a, Rs. 8,10,127-in turbo petrol 1.2 litres 110 bhp an hralh a, Rs. 8,69,130-in turbo diesel 1.5 litres 115 bhp an hralh bawk a, a vaiin 100 chuang an hralh chhuak tawh a ni.
(A hnuaia fakna hi i lo hmet ve dawn nia.)
Post a Comment
He post chungchanga i ngaihdan lo sawi ve rawh: