FIH Rising Star of the year 2019 chawimawina Lalremsiami hlan

Aizawl | Feb 11, 2020: Khawvel puma Hockey enkawltu pawl Fédération Internationale de Hockey (FIH) Women’s Rising Star of the Year 2019 atan Mizo nula ngei, Lalremsiami chu hnehsawh taka thlan tlin a ni. 


Lalremsiami hi khawvel pum huap lawmman a lak mai bakah, Indian hmeichhe hockey player, he lawmman dawng thei awmchhun hi a ni a, Lalremsiami hma chiah hian India mipa hockey player Vivek Sagar Prasad chuan FIH Rising Star of the Year lawmman hi a dawng bawka, ani hi Indian mipa he lawmman dawng thei hmasa ber a ni bawk.



 Lalremsiami hian Vote tla atanga 40% huiin a mah hnaih ber tu Argentine Julieta Jankunas chuan 21.5% a hmu thung.



Lalremsiami hma hian tuna India hmeichhe hockey team captain Rani Rampal chu he lawmman dawng thei tur hian nominate a lo ni tawha, Lalremsiami tih lohah chuan Indian hmeichhe player zingah Rani chiah hi he lawmman dawng thei tura nomination hmu a awma, Rani hian kum 2010, 2013 leh 2014 khan nomination a lo hmu tawha, mahse a la lo vek.



Lalremsiami chuan FIH Women’s Rising Star of the Year lawmman a lak chungchang sawiin, “He lawmman hi ka dawn ka ring lova mahse ka dawn avang hian tunah chuan ka lawm hle. Kum 2019-a ka khelh danah ka lung a awia, Olympics khel turin kan tling bawka, he ka lawmman dawn hi ka team tan ka hlan a ni,” a ti.


 FIH award hi International Hockey Federation-in kum tina lawmman an sem a ni a, hockey huam chhunga hmeichhia leh mipa player tha bera ngaih te hnenah lawmman sem thin a ni. He award hi kum 1998 atanga kalpui tan kha niin, kum 1998 atang hian kum tina sem chhuah a la ni.


 Vote tlak dan:
Lalremsiami (IND) - 40% of combined votes
J. Jankunas (ARG) - 21.5 % of combined votes
F. Matla (NED) - 19.8% of combined votes



With input from- Inkhel.com

(A hnuaia fakna hi i lo hmet ve kauh dawn nia.)

Post a Comment

2 Comments

  1. Ka va lawmpui em....and she truly deserve it.

    ReplyDelete
  2. Yes, she truly deserved it. Thanks God, God bless her. Thankyou India for supporting her.

    ReplyDelete

He post chungchanga i ngaihdan lo sawi ve rawh: