Aizawl | Feb 6, 2020: Coronavirus hrileng chu Tunah hian China atanga lo kir mi pangate chu in lamah a theih ang anga an chhungte nen in chiahpiah lovin fimkhur takin an awm mek a; hei hian Coronavirus hrik an pai tihna ni lovin, sawrkar laipui leh state sawrkar fimkhurna avanga hma lakna mai a ni. An hriselna dinhmun endik thin niin vawiin thlengin insawiselna nei pakhatmah an awmlo niin Sawrkar chuan a tarlang.
Coronavirus hrilengin ram sawmhnih pariat lai kangkai tawhin mi singhnih sangriat chuangah a hrik hmuhchhuah tawh a ni. Thihpui mi zanga chuang an awm laiin mi sangkhat zanga deuh thaw chu an dam chhuak leh tawh bawk a ni.
India rama Kerala state-ah mi pathumah hmuh tawh mahsela ram chhunga state dang zawng chu kan la him.
Mizoram sawrkar pawhin tha thlah lovin hma a la zel a; vawiin khan Mizoram Chief Secretary Pu Lalnunmawia Chuaungo hova State Level Co-ordination Committee on Zoonotic Diseases thu khawm chuan Coronavirus hrileng chung change sawrkar inpuahchahnate an thlirho nghala; helama mawhphurtu Officer-te hnen atangin report ngaihthlak a ni.
Tunah hian China atanga lo kir mi pangate chu in lamah a theih ang anga an chhungte nen in chiahpiah lovin fimkhur takin an awm mek a; hei hian Coronavirus hrik an pai tihna ni lovin, sawrkar laipui leh state sawrkar fimkhurna avanga hma lakna mai a ni. An hriselna dinhmun endik thin niin vawiin thlengin insawiselna nei pakhatmah an awmlo a ni.
Laboratory a test turin sample mi pathum atanga lak tawhah pahnih chu NICED Laboratory, Kolkata-ah thawn tawh a ni a; a pahnih atang hian Coronavirus result chu Negative a nih thu dawn a ni.
Health & Family Welfare Minister kaihhruai Meeting in State Level Task Force a din hnuah District Level Task Force pawh din chhoh mek a ni a; district tin hian mahni district huam chhungah a tul angin hma an la chho ang.
Lengpui Airport leh Zokhawtharah khualzinte hriselna endik hna pawh a pangngaia kalpui mek zel a ni.
•• A hnuaia Fakna lo lang hi i click apiang khan Explore Mizoram kal zelna atan tha i thawh ve a ni. ••
•• Post hi link nen i lo share ve zel dawn nia. ••
•• A hnuaia Fakna lo lang hi i click apiang khan Explore Mizoram kal zelna atan tha i thawh ve a ni. ••
Post a Comment
He post chungchanga i ngaihdan lo sawi ve rawh: