BJP Mizoram president in BJP Mizoram hruaitu thar puang

Aizawl | Feb 21, 2020: BJP Mizoram State president Vanlalhmuaka chuan vawiin khan an party office ah BJP Mizoram state hruaitu tharte a puang a.

BJP Mizoram president Vanlalhmuaka chuan, BJP member chuan kum 2023 Mizoram MLA inthlan a thlir ran tur a ni tiin BJP kalphung thar turte sawiin hruaitu atana ruat tharte fuihna a sawi bawk.

Mizoram BJP in Vice president paruk an neih theih laiin tunah hian pathum; Dr.BD Chakma, Dr LR Colney leh JB Rualchhinga te a ruat a. 

General secretary pahnih  R.Vanramchhuanga leh Malsawmtluanga te a ruat bawk a, State secretary atan P.Sanghmingthanga, VL Awia, Lalthangmawii leh Delson Notlia te ruatin, State Spokesperson atan Lal Hriatrenga Chhangte a ruat bawk.

Heng bakah hian BJP Mizoram president chuan Yuva morcha President Lalchhuanawma (Mc-a), Mahila president Lalremsangi (Tete-i), Minority president Bruto Meska, ST Morcha president H.Ramthansanga, Kissan Morcha president HA Dawngliana leh State IT & Media Convener atan K Vanlalruati leh co - convener atan Johnny Lalthanpuia te a ruat bawk.