14th STATE RALLY HAWNNA NEI




Aizawl | Feb 25, 2020: Mizoram Bharat Scouts and Guides buatsaih 14th Mizoram State Rally chu tukin khan State Training Centre Tanhril ah
Sport and Youth Services minister ley MBS&G vice president ni bawk Robert Romawia Royte chuan a hawng.



Khuallian Robert Romawia Royte chuan Khawvel puma pawl lian leh ram lian zawk ten uar taka an kalpui Scouts and Guides chu khua leh tui tha nih inzirtirna anih ang ngeia uarzawk leh member tam zawk an awm theina tura tanlak angaih thu sawiin.Midangte tana harsatna siamtu ni lova khawvel ti nuamtu ni a, hmasawnna thlentu ni tura fuihin, kum 10 hnu a State Rally neih anih leh theihna tura hmala tu te chungah a lawmthu a sawi a. Tun atanga chuan zing zawkin State rally hi neih thin anih tawh tur thu a sawi bawk.




Khualzahawm TC Pachhunga, Vice Chairman Sports, Youth Affairs, Tourism & ICT Development Board chuan, "Scouts & Guides te chu ramngaw leh nungcha humhalh kawngah uar zawka hma la a, mi dangte zirtirtu," ni turin a fuih bawk.




Pu Lalsangliana MCS, State Chief Commissioner MBS&G, Sports &Youth Director ni bawk  chuan hawnna inkhawm hi kaihruaiin, Camp Deputy Chief Pu Rosiamliana Ralte chuan Rally report pe in District hrang hrang atangin Scouts 156, Guides 187, Scout Master 13,Guide Captain 16 leh thawktute nen 407 an riah luh thu a sawi a.Tent leh STC Building ah te Rally hmang tute hi an riak a ni.State Rally ah hian Camp Chief atan Mrs.L.Rohmingthanga hmangin Over all incharge ah Pi Saizampuii State Secretary MBS&G leh Youth Welfare Officer ni bawk chu hman a ni.




Camp Chief  L Rohmingthanga chuan kal khawmte hnenah lawmthu sawiin hun a ti tawp a ni.



State Rally ah hian intihsiakna hrang hrang District tin atanga kalkhawm Scouts and Guides ten an nei dawn a.. Adventure lam pawh hlimawm taka neih turin Sports and Youth Services Department chuan a buatsaih bawk a ni.




14th Mizoram State Rally hi February ni 27, 2020 zing dar 8 ah Mizoram Bharat Scouts and Guides President leh Chief Minister ni bawk Pu Zoramthanga khualliana hmangin khar a ni ang.

Post a Comment

0 Comments