Aizawl | Jan 24, 2020: India Hnam Pa Mahatma Gandhi in Kristian Pathian fakna hla duh nia hriat 'Abide With Me' chu Beating Retreat January 29 tlai a neih turah tum tur zingah a tel dawn.
Defense Official chuan Ningani khan Christian Hymn 'Abide With Me' chu kumin Beating Retreat ah tum a nih tur thu a sawi.
Kar hnih liam ta khan Beating retreat a hla tum tur hi hi tihdanglam niin, Abide With Me chu telh loh tura lo sawi tawh a ni a. mahse, ningani khan telh a nih tur thu Defence Official chuan an sawi.
Beating Retreat hi kum tin January 29 tlai-ah Vijay Chow New Delhi ah India Republic Day lawmna kharna hun atana hman thin a ni. Hetah hian Sipai ten an rimawi hmanrua hmangin hla 30 atanga 35 vel an tum thin a, heng zingah hian a then paih ni mahse, kum 1950 atanga khel lova tel thin Abide With Me erawh a la tel dawn a ni. Hriatthiam theih dan turin, Sipai Band Party ten January 29 tlai-a tawtawrawt leh rimawi hmanraw hrang hrang hmanga hla an tum tur zingah kristian hla hi a la tel dawn a ni.
Kum 2015 Beating Retreat a 'Abide With Me' tum lai.
•• Fakna lo lang hi i click apiang khan Explore Mizoram kal zelna atan tha i thawh ve a ni. ••
Abide With Me hi kum zabi 19-na a Scottish hlaphuah thiam Henry Francis Lyte in a ziah leh a thluk William Henry Monk in a siam a ni.
Beating Retreat Ceremony hi India sipai ten British atanga an chhawm chhoh zel niin, British lamah pawh hun pui leh Lal te inneih ah te an la nei thin a. Kum zabi 16 vel atanga an lo chin tawh a ni.
Tel zelrawh se
ReplyDeletePost a Comment
He post chungchanga i ngaihdan lo sawi ve rawh: