Aizawl | January 24, 2020: Sik leh sa danglam nasa lutuk auchhuahpui a Cycle hmanga India ram fang mektu Sujit Naik chuan January 21 khan Vairengte lutin nimin khan Aizawl a lo thleng.
Sujit Naik hian nimin khan Aizawl lo thlengin naktuk khian Tripura pan a tum leh thu a sawi. January 21 khan Vairengte thlengin a riak a, Thingdawl ah a riah leh hnu-ah nimin khan Aizawl a lo lut a ni.
•• Fakna lo lang hi i click apiang khan Explore Mizoram kal zelna atan tha i thawh ve a ni. ••
•• Fakna lo lang hi i click apiang khan Explore Mizoram kal zelna atan tha i thawh ve a ni. ••
Sujit Naik hian August 4, 2019 atang khan Pune Maharastra chhuahsanin a zinkawng hi a tan a, tunah hian State 17 Maharastra, Gujarat, Rajasthan, Punjab, Himachal Pradesh, Uttarakhand, Madhya Pradesh, Bihar, Sikkim, W Bengal, Assam, Arunachal Pradesh, Meghalaya, Manipur leh Mizoram bakah UT pahnih J&K leh Ladakh te a tlawh tawh.
Bachelor of Mechanical Engineering zo tawh Sujit hian a nu leh pain thla hnih chhung chu a thil tum pawmpui lawk lovin a tum hlen tura a chhuah an phal sak loh thu sawiin, mahse, a hnuah chuan an thlawp tlat thu leh hemi atan hian kum hnih chhung a lo inbuatsaih tawh thu a sawi a. Cycle a mahnia zin thui ber World Record siam ngei a tum thu a sawi bawk.
Sujit Naik hi Sivajit Naik leh Nandhini Naik te fapa pahnih zinga a upa zawk niin, an unau hian Bachelor of Engineering an ni ve ve a ni. A pa hi Indian Army niin Subedar rank in 2016 khan a lo pension tawh a ni.
Post a Comment
He post chungchanga i ngaihdan lo sawi ve rawh: