Kolasib Zoomer Choice & Chapchar Kut Nula 2019 & MZU Freshers Miss 2019 Lalnunpuii

Kolasib Zoomer Choice & Chapchar Kut Nula 2019 & MZU Freshers Miss 2019 Lalnunpuii hi lo hmelhriat ve rawh le.

     Lalnunpuii, Nuni Pachuau tia koh hi August 4, 1998 khan Zoramdinthari leh Thangdailova te fanu naupang zawk ni turin a lo piang a, an chhungkua hi Kolasib College Veng a cheng niin tunah hian zirna avangin amah hi Aizawl Mission Vengthlangah a khawsa mek a ni.

Zirna lamah chuan Pawl 10 leh Pawl 12 hi St. Johns Higher Secondary School atanga pass chhuakin Govt. Kolasib College atangin BA a zo leh a, tunah hian MA (Education)  Mizoram University-ah a zir mek a ni.

Hobby: Movie en hi nuam ka ti ber

A duhzawng leh ngainat zawng hrang hrangte:-

Lehkhabu duh: How to be born again-Billy Graham

Actor/Actress: Ryan Reynolds, Gal Gadot

Model: Miranda Kerr

Zaithiam: Zaithiam tih hi ka ngah mai a ,mimal taka han sawi ber tur ka hrelo

Chawhmeh: Vawksa, Dal,Hmarcha, Alu

Hla : Min Hruai thin-Mizoram Synod choir

Hmun: Mahni in ngei hi anuam ber mai

Rawng: black, purple, blue, Red

Ziaktu: Nicholas Sparks

 

Mize ngainat zawng: Mi inngaitlawm, Fiamthu duh leh mi rilru zau leh tha

Mize ngainat loh zawng: Mi chapo, mi dang te rilru tur ngaihtuah lo a tawng pawp pawp ching hi ka ngaina lo.

Kawppui tura duhzawng?: 

- Pathian țih tlat mi, mi puitling leh innghahna tlak

Relationship status: Single

Aim in life: Professor

Freshers Miss thlanna a tel chhan?

- Kan class CR leh kan Senior CR te khan tel turin min phut tlat mai a, a tirah chuan ka zak ve a,mipui hmaa din chhuah hi ka hreh deuh thin avangin, amaherawh chu ti tura min tih kha chu puitling taka tih hlawhtlin ka duh avangin, zak ve tak chungin ka tel a ni.

Kolasib Zoomer Choice & Chapchar Kut Nula 2019 & MZU Freshers Miss 2019 i nih hi i ring reng em?

-  Ring lemlo, kei aia hmeltha leh thiam tak tak annih avangin Fresher miss nih kha ka in ring lo.

Kolasib Zoomer Choice & Chapchar Kut Nula 2019 & MZU Freshers Miss 2019 in i nun a nghawng dan?

- Kawng tam takin mahni inrin tawkna min pe a, hei hi a pawimawh ka ti em em a, zir na lamah pawh min țan tir zual sauh sauh.

 

Modelling lam hi I tui em?

- Modelling hi ka tui lem loa, tin keimah hrim hrim hi ka tih mi loh avang te pawh a ni ang.

MZU Freshers Miss thlan dan tlangpui?

- Kumtin hian Mizoram University hian lut thar te pualin Mr leh Miss Freshers an thlang thin a. Department tin a tangin mipa leh hmeichhia pakhat ve ve kan participate a,Freshers day hman pahin chawhnu lamah an thlang a, Common Question Pakhat kan chhang vek a (mipa leh hmeichhia in) tin Judge hi Professors te atangin Students Council lamin an sawm thin.

Zawhna dang:::

1. A tel lova i awm theih loh: Ka nu leh pa fuihna

2. I nun kaihruaitu: Țawngțai hi ka thlahthlam ngai loa.. chakloh chang te lo thleng mah se, Pathian hnena ka țawngtaina hian min kaihruai thin, tin ka nu leh pa in phak ang tawka thu tha min hrilh leh ka tana an tawngtaina hian ka nun min kaihruai

3. Hringnuna i hlau ber: Phatsan nih

4. I tih ngai miah loh tur: Mi phatsan leh rilru na taka siam

5. Mizo Tualzal nuna ṭha i tih: Chhiat that a mizo tlawmngaihna hlu tak mai hi.

 

6. Quote i duh ber: "Bul țan tlai leh Bul țan that hlau suh"

7. Mizoram leh Mizo tualzal nuna Mizo hmeichhiate dinhmun: 

- Hmeichhia te tun laiah kan dinhmun hian hma a sawn tawh hle in ka hria a, Zirna kawngah pawh mipa te aiin hmeichhia hi kan langsar chho tan tawh hle a , tin chu mai nilo kut hnathawh hmanga ei zawnna dangah pawh hmeichhia te hian tih theih tam tak kan nei bawk in ka hria.

8. Hnam hmingṭhat leh hmingchhiat kawngah Hmeichhiate'n mawhphurhna:

- Hengah hi chuan a hmei a pa in tu pawh mai hi kan pawimawh vek ka tia, ram leh hnam hmasawnna tana tanrual a insuihkhawm hi a pawimawh ka ti

9. Hnam ziarang chawinun kawnga Hmeichhiate mawhphurna:

- Kan hnam inchei na in bel tam hi kan hnam ziarang chawisan nan a pawimawh khawp mai

10. Mizote tan 'Fa neih tlem' inzirtir hi a ṭulin i hria em? 

- Hei hi chu in a tul dan a zir niin ka hria

11. Mizo hnam ṭhanmawh bawk nia i hriat?

: Kan tei rei peihlohna hi ka tilo thei lo, mizo hi chu kan thil tihna kawng engkimah a tira hlawhtlinna a awm nghal loh chuan kan beidawng hma ka ti a, heihi a pawi ka ti em em ani

12. Mizo hnam damna atana kawng awm nia i hriatte?

-  Pathian hnena kan ram leh hnam tan a bang loa tawngtai, tin hnam in hma alo sawn zel theih nan leh hnam a boral mai loh nana theih ang tawk a beih ve hi.

 

13. Hnam chhan nana Hmeichhiate ṭangkaina leh mawhphurna?

- Kan hnam thil hrang hrang te kan in bel tam hian hnam thil hi kan chawisang ve zel ani a, tin mizo tawng hman dik te, hnam a ral mai loh na tan kan phak ang tawk a kan mipa te kan puih ve hi

14. Zirna, Khawtlang leh Kohhran hi?

-  Mihring a zir ani a, thenkhat thil ti kawp thiam zirna ti buai miahloa in hmang an awm a, thenkhat ve thing erawh chu zirna nena ti kawp thiamlo hi an awm bawk a, mahni in adjust thiam mai tur ka ti

15. Khawtlang, Kohhran leh nangmah:

- BA ka zir lai kha chuan mahni phak ang tawkin ka inhmang ve thin a, amaherawhchu hetia Masters te kan han zir chhoh takah chuan zir lai te alo tam mai bakah hmun dangah kan han awm chho nen, test te kan nei reng bawk a, ka in hmang chhunzawn thei rih chiah tawhlo ani inkhawm pangngai tih loh chu

16. Social Media leh Nangmah:

- Hei hi chu a hmang tu a zir a nia, tun laiah chuan social media hi chu a hmanloh theih tak tak loh a, mahni hi in adjust thiam a pawi mawh a, tin keipawn kawng tam takah ka hmang tangkai khawp mai,mahse chintawk erawh hriat a tha.

17. Mizoram ṭhalai tam tak tlakchham:

- Tum nghet tak tak hi kan neilo ka ti a,kan thil nih tum leh hmachhawp ah hian kan chiang tawklo ka ti.

 

18. Mizo ṭhalaite hian ngaihsan tur dik an ngaisangin i hria em?

- Kan za vai chuan ka ti loa,thenkhat hi chu heng kan ngaihsan kawngah hian in enfiah deuh kan ngai ka ti,mi changkang, thawmhnaw nei nalh, phone nei tha tih vel kan ngaihsan chhung chuan hma kan sawn thei lo bawk ang.

19. Ngaihsan tur dik nia i hriat:

- Mahni hna/zirlai/ leh thildang(eng ang pawh) hlawhtling ngei tura bei thin te, mi rinawm, duham lo leh mizoram tana theih tawp chhuah a thawk thin te

20. Hlawhtlinna tura pawimawh:

- Beidawng loa beih hram hram hi pawimawh ka ti kawng engkimah

21. Hloh i hlauh ber:

- Ka chhungte leh thian tha te.

I thalaipuite tan fuihna---

- Zu leh ruihhlo bawiha tang kan tam ta lutuk hi a pawi ka ti a, ka thalai pui te heng kawngah hian inthiar fihlim hram hram thei ila ka ti, tin Nupui/pasal neih hmaa mipat hmeichhiatna laka in vawng thianghlim hram hram turin ka fuih duh a ni.

exploremizoram.com i hmuh dan:

- A tha ka ti khawp mai, website tangkai tak niin ka hria, tin, hmasawnna zel a ni bawk a, chhunzawm zel turin duhsakna ka hlan bawk che u.






- Amos MS Dawngzuala
Columnist
EXPLORE MIZORAM