Aizawl | Jan 28, 2020: Khawvelin a buaipui mek Corona Virus kai nia hriat mi 3 Delhi-ah hmuh chhuah an ni. India khawpui 7-ah he hri kai nia rinhlelh za chuang an awm mek.
Delhi-a Corona Virus kai nia rinhlelhte hi Ram Manohar Loya Damdawi Inah dahluh an ni a, damdawi In Director chuan, heng damlote hi China-a hrileng Corona Virus kai ni theia an hriat thu leh, ngun taka an enkawl thu a puang. Hei bakah hian Chandigarh-ah pawh he hri kai nia rinhlelh pakhat chu PGI-ah dahluh a ni a, a ni pawh hi kar hmasaa China atanga lo thlawk haw a ni. Damlo thisen an endikna hi Pune-ah thawn a ni a, damlo hi Isolation ward-ah enkawl mek a ni.
Hetih lai hian he hri hi India sawrkar chuan a darh loh nan hma a la reng a, mah se, India khawpui 7-ah he hri kai ni theia ngaih hi an pung chho mek tih media lian te chuan an puang.
Corona Virus kai nia hriat 3 chu Hyderabad-ah enkawl an ni a, a dang 1 chu Jaipur-ah enkawl a ni bawk. Pune-ah pawh mi pakhat chu ngun taka thlirhlai chunga enkawl mek a ni.
India khawpui 7 velah he hri kai nia rinhlelh awm tawh mah se, Corona Virus kai an ni ngei em tih finfiahna a la awmlo va, amah erawh chu an dam loh danah rinhlelh awm leh he natna kaite nena an awmdan a in an avangin ngun takin Isolation-a enkawl mek an ni.
He hri hi awlsam taka darh vak thei a nih avangin damdawi In tam tak chuan fimkhur thuah Isolation ward an siam belh mek bawk a ni.
India ram thenawm Nepal leh Sri Lanka-ah te pawh Corona Virus hi hmuh a nih tawh avangin Airport hrang hrangah uluk takin khualzinte enfiah zel an ni a, Corona Virus pundarh tanna Wuhan-ah pawh India khua leh tui mi thahnem tak an awm avangin Ministry of External Affairs(MEA) chuan a tul anga hma la turin ruahmanna a siam mek. Heng ram atanga India mite phur haw tur hian Air India pawh an inring reng bawk a, India Prinicipal Health secretary chuan Nepal-a Corona Virus kai nia hriat hian a lo kai ngei tih chian a ni tawh tih a sawi a, chuvangin India a lo luh theihna hmun tinah fimkhur takin hmalak mek a ni" a ti.
- Vanneihthanga Vanchhawng
Delhi-a Corona Virus kai nia rinhlelhte hi Ram Manohar Loya Damdawi Inah dahluh an ni a, damdawi In Director chuan, heng damlote hi China-a hrileng Corona Virus kai ni theia an hriat thu leh, ngun taka an enkawl thu a puang. Hei bakah hian Chandigarh-ah pawh he hri kai nia rinhlelh pakhat chu PGI-ah dahluh a ni a, a ni pawh hi kar hmasaa China atanga lo thlawk haw a ni. Damlo thisen an endikna hi Pune-ah thawn a ni a, damlo hi Isolation ward-ah enkawl mek a ni.
Hetih lai hian he hri hi India sawrkar chuan a darh loh nan hma a la reng a, mah se, India khawpui 7-ah he hri kai ni theia ngaih hi an pung chho mek tih media lian te chuan an puang.
Corona Virus kai nia hriat 3 chu Hyderabad-ah enkawl an ni a, a dang 1 chu Jaipur-ah enkawl a ni bawk. Pune-ah pawh mi pakhat chu ngun taka thlirhlai chunga enkawl mek a ni.
India khawpui 7 velah he hri kai nia rinhlelh awm tawh mah se, Corona Virus kai an ni ngei em tih finfiahna a la awmlo va, amah erawh chu an dam loh danah rinhlelh awm leh he natna kaite nena an awmdan a in an avangin ngun takin Isolation-a enkawl mek an ni.
He hri hi awlsam taka darh vak thei a nih avangin damdawi In tam tak chuan fimkhur thuah Isolation ward an siam belh mek bawk a ni.
India ram thenawm Nepal leh Sri Lanka-ah te pawh Corona Virus hi hmuh a nih tawh avangin Airport hrang hrangah uluk takin khualzinte enfiah zel an ni a, Corona Virus pundarh tanna Wuhan-ah pawh India khua leh tui mi thahnem tak an awm avangin Ministry of External Affairs(MEA) chuan a tul anga hma la turin ruahmanna a siam mek. Heng ram atanga India mite phur haw tur hian Air India pawh an inring reng bawk a, India Prinicipal Health secretary chuan Nepal-a Corona Virus kai nia hriat hian a lo kai ngei tih chian a ni tawh tih a sawi a, chuvangin India a lo luh theihna hmun tinah fimkhur takin hmalak mek a ni" a ti.
- Vanneihthanga Vanchhawng
Post a Comment
He post chungchanga i ngaihdan lo sawi ve rawh: