HIV/AIDS natna leh Homoeopathy hmanga enkawlna inzirtirna hun hmang

Aizawl | January 18, 2020: Clinical Research Unit for Homoeopathy, Aizawl buatsaihin Mizoram chhunga Homoeopathic doctor te tan HIV/AIDS natna leh Homoeopathy hmanga enkawlna inzirtirna Continuing Medical Education (CME) programme chu nimin leh vawiin khan Aijal Club, Aizawl-ah hman a ni.

He programme hi Dr. S. Mara Thansiami, Deputy Director (AYUSH) chuan a hmanpuiiin, programme hmanpui tur hian State pawn aṭangin Homoeopathic Researcher te lo kalin, State chhung aṭangin HIV/AIDS lama Doctor thiam tak takte'n zirtirna an pe bawk.

He programme hi Ministry of AYUSH hnuaia Central Council for Research in Homoeopathy (CCRH), New Delhi sponsored a ni.

He huna thusawitute chu;

1) Dr. Christina Lalnuntluangi, Senior Medical Officer, ART Plus Centre, Civil Hospital, Aizawl

2) Dr. Chawnglungmuana, Director, SHALOM

2) Dr. Richard C. Lalramhluna, Epidemiologist, MSACS

3) Ms. Siba L. Pachuau, Consultant Psychologist

4) Dr. Murali Dharan, Scientist-4, National Homoeopathic Research Institute in Mental Health (NHRIMH), Kottayam.

5) Dr. Swapnil A Kamble, Scientist-1 CCRH, New Delhi

6) Dr. SK Dey, AD(H)(Rtd), CCRH, New Delhi

7) Dr. B. Bhattacharjee, Scientist-1, CCRH, Aizawl

Deputy Director (AYUSH), Dr. S. Mara Thansiami chuan, HIV/AIDS hian mi tinte kawng engemaw takin min tibuai êm êm a, tu pawhin kan vei a hun tawh thu sawiin, hetianga AYUSH Doctor-te tana hun ṭha tak mai, Clinical Research Unit for Homoeopathy, Aizawl Civil Hospital te'n an buatsaih chu lawmawm a tih thu a sawi a. Homoeopathic doctor-te chu HIV/AIDS dona atana an thiamna te nasa taka an hman theihna atana theihtawp chhuaha he CME hi hlawkpui ngei tura hmang ṭangkai turin a chah a ni.

HIV/AIDS chungchangah hian Homoeopathic research paper engemaw tihchhuah tawh niin, randomised controlled trial te pawh neih tawh a ni a, ni tina Homoeopathic damdawi hman tlanglawnte chu CD4 count tisang thei an ni tih hmuhchhuah a ni.