FEATURE | Tleirawl Zaithiam, Mi ngainat hlawh - Stacy Punte

Tleirawl Zaithiam, Mi ngainat hlawh em em  Stacy Punte  hi in hriat loh kan duh lo.

Ka nau Joseph Thiek chuan urlawk ni khan Stacy Punte zai hi kan hnatlan laiin a play reng a, tunge a nih ka hre lem lova, ka zawh chuan min hrilh a. Thiam kan ti dun em em a, Chumi ni chuan Krismas atana inpuahchahna atana Thalai kan hnatlannaah kan ngaithla ta reng a.

  

Stacy Punte hian ama pualin Music Video emaw Music video Album emaw puitlinga la siam lo mahse a zai youtube lama an dah atangin mi hriat leh ngainat a hlawh em em a. A u Melody hming chawia an siam 'Melody records' ah a zai khungin Youtube lamah a dah zel a, a zai mai bakah Track te pawh a dah thin a, ama puala siam Stacy Punte Official Youtube channel pawh subscriber 12,000 an chuang tawh nghe nghe a ni. Instagram lamah i follow duh chuan a hming inziakah hian i hmet kauh mai dawn nia.

Stacy Punte hi a naupan anga en  chi a ni lova Keyboard, Ukulele, Guitar leh Bass Guitar te a tum thiam vek a ni.

He a hnuaia Video kan dah hi Voice record, video bakah editing nen ama kutchhuak vek a ni. 

Stacy Punte tia hriat Stacy Remruatkimi Punte hi Lalrinmawia Punte leh PC Lalmuanzuali te fanu pahnih zinga a naupang zawk a ni a, Lunglei Ramthar veng-ah an awm.

Stacy Punte hi Stacy emaw No-i tia koh thin niin, 2005 March 15 khan a lo piang a. Tunah hian Baptist Higher Secondary School Serkawn-ah pawl 9 a zir mek.

 

A duhzawng leh ngainat zawngte:-

Rawng - Yellow

Chawhmeh  - Alu

Incheina - hoodie leh jeans

Rimawi – Country

Mizo Ziaktu zingah - Lalhruaitluanga Chawngte

Hla- Vanah Lawmman

(A hla duh ber amah ngeiin a sak, track youtube lama ama channel a a dah hi lo ngaithla ve rawh le.)

Hla phuahtu -  Lalsangzuali Sailo

Mize ngainat zawng - Rilru tluang

  

(Website kal zel theih nan fakna awm hi lo click ve ta che.)

Hobby: Zai leh Music Play

  

Zawhna dang:------
1. A tel lova i awm theih loh: Phone,Musical instrument leh Bible

2. I nun kaihruaitu:- Bible

3. Hringnuna i hlauh ber: Beidawnna

4. I tih ngai miah loh tur: Pathian duh loh zawng.

5. Mizo Tualzal nuna ṭha i tih: Tlawmngaihna

6. Quote i duh ber: 

"Aw lalpa thatzia chu temchhin tehreng u amah a rinna ngat mi chu a eng a thawl e"(Sam 37)

  

7. Mizote tan 'Fa neih tlem' inzirtir hi a ṭulin i hria em?
- A tul ka ti  lo.


8. Khawtlang, Kohhran leh nangmah: Khawtlang,kohhran leh keimah chu ka nun a pawimawh em  em vek an ni.

9 . Social Media leh Nangmah:
- Social media hi keimahah chuan an tangkai ka ti.

10. Mizoram ṭhalai tam tak tlakchham: Taihmakna leh Tumruhna
 
11. Ngaihsan tur dik nia i hriat: Harsatna lo thlen chang pawh a beidawng mai lova bei fan fan mi.

12. Hlawhtlinna tura pawimawh: Taihmakna,Pathian hre reng chung a thil tih.

13. I nuna hloh i hlauh ber: Pathian neitu ka nihna

14. Zofate inpumkhatna hi a tak a thlen theih i ring em?: Aw ring e.


-- H Zate
Founder
Explore Mizoram

_________________

TT Arts, Chanmari Aizawl-ah T Shirt print hrang hrang an ti thei.

Call/ WhatsApp +919615332721

A Zai ngaithla duh tan a hnuaiah hian kan dah e: 

A hnuaia fakna hi lo hmet ve rawh.