Sawrkar in Damdawiin 15 te MR bill theihna aṭangin hnawl; Dec 4 hnu lama inenkawlte MR bill thei dawn lo

Aizawl | December 6, 2019: Mizoram sawrkar chuan nimin piah khan thuchhuah siamin Mizoram a private hospital hrang hrangte Sawrkar hnathawkte'n Medical Re-imbursement (MR) an bill theihna aṭangin a hnawl.

He hnawlna thuchhuah-ah hian damdawiin 15 awmin chung zinga lar zual chu Prebyterian Hospital Durtlang leh Green Wood Hospital te an ni.

An ni bakah hian Seventhday Adventist Hospital, 7th Day tlang, Bethesda Rural Hospital, Nazareth Medi, Ebenezar Hospital, Vaivenga Hospital & Research Foundation, Maraland Gospel Centenary Hospital, DM Hospital, JC Eye Hospital, City Hospital, Redeem Hospital, John William Hosoital, Mercy Hospital leh Grace Nursing Home te an tel a ni.

Heng damdawiin te hi sawrkar in a pawm anga dam lote an enkawl theih loh vang niin, sawrkar hnathawk ten Mizoram Health Care Scheme 2019 hnuaia MR an bill theih dan ang an zawm ve loh vang niin thuchhuah chuan a tarlang.

Thuchhuahin a tarlan danin, Thuchhuah siamni, December 4 hnu lama heng damdawiin a inenkawl/admit te chuan MR an bill thei tawh dawn lo  a ni.