GMLC Miss 2019 Rody Chhangte i tan

Govt Mizoram Law College Miss 2019, Nula fel leh entawntlak Rody Lalnunhlimi hi i hmelhriat loh kan duh love.




 

Photographer: Valtea Camera

GMLC hian Miss atan hian hmeltha leh nalh an thlang satliah lova, mi dang tana entawn tlak, College mai ni lovin pawn lamah pawh zahpui awm lo tur an tlang thin a. Rody pawh hi 2016 khan an veng, Govt Complex Branch YMA nula fel leh entawn tlak ah thlangin Govt Complex Branch YMA Miss atan thlan a lo ni tawh nghe nghe a ni.



Designer: Leoni Ralte
Photographer: Valtea Camera

Rody Chhangte tia hriat thin Rody Lalnunhlimi hi Ramdinthari leh C Zarzothanga te inkarah April 10, 1997 khan a lo piang a. Unau pali zinga upa ber niin, Hmeichhia 3 leh Mipa 1 an  ni. Tunah hian Govt Complex, Aizawl-ah an chhungkuain an khawsa.



  
Designer: Leoni Ralte
Photographer: Valtea Camera

Rody hian zirna lamah Agathos Higher Secondary School, Aizawl atangin pawl 10 hi 2nd div-ah a pass a,  St. Joseph higher secoundary school atangin pawl 12 hi 2nd div ah bawk pass lehin, Govt Aizawl North College atangin B. A (english) a zawh hnuin, tunah hian Govt Mizoram Law College ah LLB 1st Semester a zir mek a ni.


Hobby: playing with dogs, playing badminton.


 



A duhzawng hrang hrang:-
Lehkhabu duh : Hringnun Hrualhrui
Actor : Jacky chan 
Actress: Scarlett Johannson
Model: Miranda kerr(VS model)
Zaithiam : Vanlalsailova
Chawhmeh : bai (rawtuai bai)
Hla : oldies,  classical music leh country lam ka ngaithla tlangpui
Hmun : thlamuang tak leh hlim tak a kan awm thei na hi a nuam ka ti ber zel mai..
Rawng: Red
Ziak tu : Cheetan bhagat,  Mafa hauhnar
Mize ngainat zawng : mi fiamthu duh ve tak... A hun leh hmun a polite thiam em2 ...thiante ngaihsak em2 thin te hi.


 


Mize ngainat loh zawng : mi fiam peih em em, fiam let a haw leh tlat ang chi hi.

Kawppui tur a duh zawng: mi care thiam leh ngaisak thiam em2 ...taima leh a pawimawh ber ah chuan Pathian hre mi tak.

Relationship status: single
(A chung chiah pahnih hi Tlangval-ho tan a va pawimawh si em! haha)


Aim in life : Advocate tha tak leh rintlak tak

GMLC Miss thlanna a tel chhan: 
- kan house represent tur in leader ten ka chung ah beiseina sang tak nei chung in min tel tir ani.


 


GMLC Miss 2019 hi nih i inring hrim hrim em?
-Miss GMLC 2019 , mi smart tak2 leh tha tak2 an ni hlawm a vang in he din hmun tak hi chu ka thlen ka in ring em2 lo.


Colege lady in nuna nghawng a neih.?
- Lady nih hian challenge tam tak min pe nghal a ka nun ah hian....nun uluk leh zual na kawng ah leh zirlai ah hmasawn tum leh zual na nasa tak min pe tel nghal a ni.

  
Photographer: Christopher Ngurte

Modelling lam hi i tui em?
-  Naupang lai a ka tui ve na thin tak a ni.

GMLC Miss thlan dan tlangpui?
- junior sem kan la nia.. Kum dang a an thlan dan hi ka hriat loh a vang in.. Tun tum a an thlan dan a h hi chuan sem tin a tang mi pa2 theuh thlang chhuak in chu mi te chuan round2 in elna nei in miss kan thlang ani.


Rody chungchang i hriat duh dangte:
A tel lova a awm theih loh: - Hmangaihna (chhungte hmangaihna, thiante hmangaihna, kawppui te hmangaihna)

Nun kaihruai tu: Theih ang tawk a kohhran leh khawtlang a ka in hmanna hian ka nun a kaihruai tha em2 a ni

Hringnun a a hlauh ber: Chhungkaw keh darh leh mi rinna hlauh

A tih ngai miah loh tur:  Harsat lai a min pui tu te puih an ngaih ve hun a phatsan hi ka ti ngai miah loh tur ani.

Mizo tualzal nuna tha tih:  Tlawmngaihna la vul reng leh a bik tak in thalai te ah inkhawm zan a veng tin a biakin ti mawi tham a inkhawm kan la awm thei reng hi a tha a ti

Quotes duh ber:  Never pray for an easy life ..but pray for strength to endure difficult life

Mizoram tualzal nuna Mizo hmeichhiate dinhmun: 
- Mizo hmeichhiate hi kan tun dinhmun ah chuan kan sang tha ve tawh em2 ka ti a... He dinhmun thleng tur hian hmeichhiate hi kan taima tawk ka ti hle a.. Bazar a sa sat thleng in hmeichhia te kan bang bik lo a... Zir na lam ah pawh sang tak2 kan nih fur tawh hlawm avang hian.. Kan tun dinhmun ah hi chuan a tha tawk ka ti ani.



 

Photographer: Valtea Camera

Mizo Hnam hmingthat leh hmingchhiat kawnga Hmeichhiate mawhphurhna:
- Hnam hmingthat leh hmingchhiat kawng ah hian hmeichhiate chauh mawhphur na ah a dah thei bik loh a... Tangrual tak in mipa te nen hian he hnam hmingchhiat leh that kawng ah hian nasa tak in mawhphurna kan nei theuh a ni... hmeichhiate hian hnam dang te lak ah kan nun te uluk ila, zir na lam ah mi hlawhtling tak nih tum in leh hnam dang pasal a neih loh te hi langsar zual nise.



Hnam ziarang chawinun kawnga hmeichhiate mawhphurna:
- Hnam zia rang chawinung tur hian hmeichhiate hian mawhphurna sang tak kan nei a,,, kan hnam thil hrang2 pholang tam in, kan incheina ah te, kan thil tih ah te,  hnam lam thiam bawk ila, kan mizo chawhmeh siam thiam em2 bawk hi a pawimawh ka ti.


 

Mizote hi Fa neih tlem hi inzirtir ngaiin i hria em?
- Fa neih tlem in zirtir na kawng ah hian.... Hmun then khat a in zirtir tul na hmun te chu awm in ka hria a...Zokhua deuh lam ah te hian inzirtir na kal pui chu a tha ka ti.... Reitheina avang a naupang an nih tur ang ni pha lo tam tak an awm phah thin a mahse a Mizoram pum huap ang ah hi chuan hnam dang chim bo tham lek kan la nih avang hian fa neih tlem in zirtirna hi chu a tul in ka la hre hrih lo ani.


Mizo hnam thanmawhbawk ni a i hriat:
- Mizo hnam thanmawhbawm ni a ka hriat chu.... Kan beidawng hma lutuk thin hi.


 
Designer: Leoni Ralte
Photographer: Valtea Camera


Mizo hnam damna atana kawng awm nia a i hriat:
- Mizo hnam damna atana kawng awm nia a ka hriatte chu tlawmngaih na kawng ah te,  YMA kan nei te,  khawhar in a lengkhawm zai a kan  in hnem thin te ,leh MZP ten a hnam chhan nan a theihtawp a hma an la thin te hi.

Hnam chhanna a Mizo hmeichhia te mawhphur:
- Hnam chhanna a mizo hmeichhia ten a kan mawhphur na ni a ka hriat chu hnam dang pasal a neih loh hi..  Tin hmeichhiate hi tangkai tak kan nih ang in hnam chhan na ah pawh hian kan thiam na te hmang thiam in mi tha leh ropui tak2 ah te chhuak in ram leh hnam tan a mi tangkai tak kan la ni chho zel dawn a ni.


 

Zirna, khawtlang leh kohhran:
- Zirna, khawtlang leh kohhran hi a pawimawh em2 vek a mahse a rual a tel vek thei ani lo a... Abik tak in zirlai nih chuan, khawtlang leh kohhran ah a kul a tai a in hmang lo a mawi leh awm tawk a in hman thiam a tha ka ti a.. Zirna nen a kawp vek chuan a eng ah mah kan ti tha thei dawn lo a. A pawimawh ber ah chuan kan rilru leh thinlung hi dik se a tha ber a ni.

Keimah bik ah, Zirna, khawtlang leh kohhran ah hian ka theih ang2 chuan ka inhmang ve a. Zirlai kan nih hrih hi chuan kan zirna hi ngaipawimawh ber ila ka ti a. Zir zawh hnu ah khawtlang leh kohhran tan hian kan la tangkai leh zual zawk dawn chauh a ni.


 

Social media leh nangmah:
- Social media leh keimah ah hi chuan..... Social media hian min ti buai em2 lo a... Ka hmang tangkai em2 zawk a... Abik tak in zir na ah phei hi chuan mi pui em2 zawk ani.

Mizoram thalai tam tak tlakchham:
- Mizoram thalai tam tak tlakchham ni a ka hriat chu...  In sum theihna (eng kawng ah pawh)

Mizoram thalai te hian ngaihsang tur dik an ngaisang in i hria em?
- he thil ah hian stage hnih in ka then hrang a.. Stage 1 ah chuan tleirawl tan ho hian k-pop lam hi an ngaisang viau in ka hria a.. A ber ah hian nei lo se ka ti a tha chu ka ti em2 lo.. Stage 2 Thalai te hi chu lungfing chhin kan nih tawh avang hian mi dik leh tlawmngai te, thawhhreh nei lo te leh pathian tih mi te hi kan ngaisang chho tan viau in ka hria a tha ka ti hle a ni. 



 
Designer: Leoni Ralte
Photographer: Christopher Ngurte


Hlawhtlinna tur a pawimawh:
- Hlawhtling tur chuan beidawng loh leh tum ruh na hi a pawimawh ka ti ber

Hloh i hlauh ber:
- Ka chhungkua leh ka thian tha te hi hloh ka hlau ber

Thalaipuite tan a fuihna: 
- thalai te kan nun uluk zel ila.... Abik tak in kawppui kan thlanna ah te hian fimkhur ila, pawm lam mawina en lo in chhunglam mawina en thiam zawk in kan kawppui tur te zawng thin ila.. Tin beidawng mai lo tur in leh kan aim a chiang a focus tlat tur in leh Pathian hre mi ni zel tur in..


 

Photographer: Valtea Camera



Explore Mizoram i hmuh dan:
-  Exploremizoram hi a tha ka ti em em a, a bengvar thlakin a hlawkpui awm thin em em a. La naupang tak ni mahse mi te hriat leh ngaihven a hlawh em em thin. In kal leh zelna turah duhsakna sang tak ka hlan a che u.




Photographer: Valtea Camera








Model; Rody Chhangte
Designer: Leoni Ralte
Photographer: Christopher Ngurte
Photographer: Valtea Camera
(An instagram Account nen link vek a ni e.)






_________________

TT Arts, Chanmari Aizawl-ah T Shirt print hrang hrang an ti thei.


Call/ WhatsApp +919615332721








(A hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Nula Rody-i, hmeltha leh piannalh nih mai bakah thluak tha leh mahni lu zo tak i nih zel theih nan duhsakna ka hlan a che.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post